آرگینک فارمنگ آنے والے برسوں میں ملکی معیشت کیلئے گیم چینجر ثابت ہو سکتی ہے‘ نجم مزاری

ْپاکستان عالمی سطح پر بڑھتی طلب سے فائدہ اٹھا کر برآمدی فہرست میں نمایاں اضافہ کر سکتا ہے

ہفتہ 9 مئی 2026 16:08

آرگینک فارمنگ آنے والے برسوں میں ملکی معیشت کیلئے گیم چینجر ثابت ہو ..

لاہور(اُردو پوائنٹ اخبارتازہ ترین - این این آئی۔ 09 مئی2026ء) آرگینک خوراک اور مصنوعات پر ریسرچ کرنے والے ادارے کے سربراہ نجم مزاری نے کہا ہے کہ دنیا بھر میں خوراک کے معیار، صحت اور ماحولیاتی تحفظ کو ترجیح دی جا رہی ہے جبکہ عالمی مارکیٹ میں آرگینک خوراک کی مانگ میں مسلسل اضافہ ریکارڈ کیا جا رہا ہے،پاکستان کو اب صرف روایتی زراعت تک محدود رہنے کے بجائے عالمی تقاضوں کے مطابق معیاری اور کیمیکل سے پاک خوراک کی پیداوار پر توجہ مرکوز کرنا ہوگی اورآرگینک فارمنگ آنے والے برسوں میں ملکی معیشت کیلئے گیم چینجر ثابت ہو سکتی ہے۔

اپنے بیان میں انہوں نے کہا کہ پاکستان کی زرعی زمین، موسمی تنوع اور کسانوں کا تجربہ آرگینک زراعت کیلئے انتہائی موزوں ہے،اگر حکومت بروقت پالیسی سازی، سرٹیفکیشن نظام اور برآمدی سہولیات فراہم کرے تو پاکستان چند سالوں میں آرگینک چاول، شہد، پھل، سبزیاں، مصالحہ جات اور جڑی بوٹیوں کی عالمی منڈی میں نمایاں مقام حاصل کر سکتا ہے۔

(جاری ہے)

یورپ، مشرق وسطی اور دیگر ترقی یافتہ ممالک میں صارفین اب صحت بخش اور کیمیکل فری خوراک کو ترجیح دے رہے ہیں جس کے باعث عالمی آرگینک خوراک کی مارکیٹ تیزی سے پھیل رہی ہے، پاکستان اس بڑھتی ہوئی طلب سے فائدہ اٹھا کر اپنی برآمدی فہرست میں نمایاں اضافہ کر سکتا ہے۔

نجم مزاری نے کہا کہ وفاقی اور صوبائی حکومتیںاگر آئندہ بجٹ میں آرگینک سیکٹر کیلئے خصوصی مراعات، ٹیکس چھوٹ اور بلاسود قرضوں کا اعلان کریں تو اس سے روزگار کے نئے مواقع بھی پیدا ہو سکتے ہیں۔