راولپنڈی،غیرت کے نام پر اپنی بیٹی کو قتل کرنے والا شخص گرفتار

جمعرات 14 مئی 2026 21:06

راولپنڈی(اُردو پوائنٹ اخبارتازہ ترین - این این آئی۔ 14 مئی2026ء) تھانہ واہ کینٹ پولیس نے غیرت کے نام پر اپنی بیٹی کو قتل کرنے والا شخص گرفتارکرلیا۔

(جاری ہے)

تفصیلات کے مطابق تھانہ واہ کینٹ پولیس نے کارروائی کرتے ہوئے غیرت کے نام پراپنی بیٹی کو قتل کرنے والے شخص کو گرفتار کر لیا، زیر حراست شخص نے فائرنگ کرکے اپنی بیٹی کو قتل کیا اور فرار ہو گیا تھا، سی پی او سید خالد محمود ہمدانی نے واقعہ کا نوٹس لیتے ہوئے ملوث ملزم کی گرفتاری کا حکم دیا تھا، واقعہ کا مقدمہ پولیس کی مدعیت میں درج کرکے ٹیکنیکل و ہیومن انٹیلی جنس ذرائع بروئے کار لاتے ہوئے قاتل کو گرفتار کیا گیا۔

سی پی او سید خالد محمود ہمدانی نے کہا کہ زیر حراست شخص کو ٹھوس شواہد کے ساتھ چالان عدالت کیا جائے گا، خواتین کے خلاف جرائم ناقابل برداشت ہیں،راولپنڈی پولیس مظلوم کی وارث ہے۔