دنیا کے سب سے بڑے فٹ بال ایونٹ فیفا میں اب موسیقی کا بھی تڑکا لگے گا

جمعہ 15 مئی 2026 13:22

میکسیکو (اُردو پوائنٹ اخبارتازہ ترین - این این آئی۔ 15 مئی2026ء) دنیا کے سب سے بڑے فٹ بال ایونٹ فیفا میں اب موسیقی کا بھی تڑکا لگے گا ،موسیقی کی دنیا کے بڑے نام میں شکیرا، میڈونا اور کے پوپ سپر اسٹار بی ٹی ایس اس تاریخی شو میں پرفارم کریں گے۔فیفا نے تصدیق کی ہے کہ 19 جولائی 2026 کو نیو جرسی کے میٹ لائف اسٹیڈیم میں ہونے والے ورلڈ کپ فائنل میں پہلی بار سپر بول اسٹائل ہاف ٹائم شو ہوگا، یعنی کھیل کے درمیان شو۔

(جاری ہے)

واضح رہے کہ فیفا ورلڈ کپ 2026 سے دنیا کے بڑے فٹبال کلبز کو بھی بڑا فائدہ ہوگا، کلب بینیفٹ پروگرام کے تحت عالمی تنظیم ٹورنامنٹ میں شرکت کرنے والے کھلاڑیوں کے کلبوں کو فی کھلاڑی 11ہزار ڈالرز یومیہ ادا کرے گی۔ یہ رقم کھلاڑی کے اپنی قومی ٹیم کو جوائن کرے نے سے ملکی ٹیم کیلئے آخری میچ تک دی جائے گی ۔ اس مد میں فیفا نی355 ملین ڈالرز کا فنڈ مختص کیا ہے، اس پروگرام کی خاص بات یہ ہے کہ اگر کسی کلب کا کھلاڑی گروپ اسٹیج ہی میں ٹورنامنٹ سے باہر ہو جائے تب بھی اس کے کلب کو کم از کم 2 لاکھ 50 ہزار ڈالرز وصول ہوں گے جو کہ پاکستانی روپوں میں7 کروڑ سے زائد کی رقم بنتی ہے۔