فہیم اشرف کا ٹی ٹوئنٹی بلاسٹ کیلئے یارکشائر سے معاہدہ

فہیم ایشرف کو پی ایس ایل میں ایک ہزار رنز اور 100 وکٹیں مکمل کرنے والے دوسرے کھلاڑی ہونے کا اعزاز بھی حاصل ہے، رپورٹ

جمعہ 15 مئی 2026 12:46

فہیم اشرف کا ٹی ٹوئنٹی بلاسٹ کیلئے یارکشائر سے معاہدہ

لندن (اُردو پوائنٹ اخبارتازہ ترین - این این آئی۔ 15 مئی2026ء) انگلش کائونٹی کلب یارکشائر نے پاکستان کے تجربہ کار آل رانڈر فہیم اشرف کو رواں سیزن کے وائیٹیلٹی بلاسٹ کے لیے اسکواڈ میں شامل کر لیا ہے۔تفصیلات کے مطابق 32 سالہ فہیم ایشرف آسٹریلوی آل رائونڈر ول سدرلینڈ کی جگہ ٹیم کا حصہ بنیں گے جو کندھے کی انجری کے باعث ٹورنامنٹ سے باہر ہو گئے ہیں۔

فہیم ایشرف اس سے قبل بھی انگلش کانٹی کرکٹ کھیل چکے ہیں۔ وہ نارتھمپٹن شائر اور سسیکس کی نمائندگی کر چکے ہیں۔

(جاری ہے)

فہیم اشرف 22 مئی کو ناٹنگھم شائر کے خلاف یارکشائر کے پہلے وائیٹیلٹی بلاسٹ میچ سے قبل اسکواڈ کو جوائن کریں گے۔فہیم ایشرف دو کائونٹی چیمپئن شپ میچز میں بھی دستیاب ہوں گے جن میں واروکشائر اور لائیسسٹر شائرکے خلاف مقابلے شامل ہیں۔

فہیم ایشرف نے یارکشائر میں شمولیت پر خوشی کا اظہار کرتے ہوئے کہا کہ کئی پاکستانی کھلاڑی اس کلب کی نمائندگی کر چکے ہیں اور انہوں نے یہاں کے ماحول اور ٹیم کے معیار کی بہت تعریف کی ہے۔پاکستان کیلئے 85 ٹی ٹوئنٹی انٹرنیشنل میچز کھیلنے والے فہیم ایشرف کو پی ایس ایل میں ایک ہزار رنز اور 100 وکٹیں مکمل کرنے والے دوسرے کھلاڑی ہونے کا اعزاز بھی حاصل ہے۔