ون ڈے میچ میں 883 رنز کا ہدف، 143 گیندوں پر ٹرپل سنچری، نئی تاریخ رقم ہوگئی

زمبابوے میں کھیلے گئے لسٹ اے میچ میں اسکارپیئنز کرکٹ کلب نے میتھین لائنز کیخلاف ایسی شاندار بیٹنگ کی کہ سکور بورڈ پر رنز کا پہاڑ کھڑا ہوگیا

ذیشان مہتاب جمعہ 15 مئی 2026 11:29

ون ڈے میچ میں 883 رنز کا ہدف، 143 گیندوں پر ٹرپل سنچری، نئی تاریخ رقم ہوگئی

ہرارے (اردو پوائنٹ تازہ ترین اخبار ۔ 15 مئی 2026ء ) کرکٹ میں تیزی کا رجحان دن بدن بڑھتا جا رہا ہے، خاص طور پر ٹی ٹونٹی فارمیٹ نے کھیل کو نئی رفتار دے دی ،زمبابوے میں کھیلے گئے ایک حیران کن میچ نے کرکٹ کی تاریخ میں رنز کی نئی داستان لکھ دی۔

زمبابوے میں کھیلے گئے اس لسٹ اے میچ میں اسکارپیئنز کرکٹ کلب نے میتھین لائنز کے خلاف بیٹنگ کی ایسی شاندار نمائش کی کہ اسکور بورڈ پر رنز کا پہاڑ کھڑا ہوگیا۔

سکارپیئنز کے کپتان پرائس مکازہ نے ٹاس جیت کر پہلے بیٹنگ کا فیصلہ کیا، جس کے بعد ان کے بلے بازوں نے میدان کے چاروں اطراف دلکش اسٹروکس کھیلتے ہوئے رنز کی بارش کر دی۔

مقررہ 50 اوورز کے اختتام پر ٹیم نے 4 وکٹوں کے نقصان پر ریکارڈ 822 رنز اسکور کیے، جو کرکٹ شائقین کے لیے ناقابلِ یقین منظر تھا۔

(جاری ہے)

اس تاریخی اننگز میں ایک ٹرپل سنچری، ایک ڈبل سنچری اور ایک دھواں دار سنچری شامل تھی۔

تکونڈا میڈیمبو نے شاندار بیٹنگ کرتے ہوئے 143 گیندوں پر 302 رنز کی ناقابلِ فراموش اننگز کھیلی۔

دوسری جانب وِنفیڈ مٹینڈے نے صرف 75 گیندوں پر 13 چھکوں کی مدد سے 203 رنز بنا ڈالے، جبکہ گیبریل جایا نے بھی جارحانہ کھیل کا مظاہرہ کرتے ہوئے 49 گیندوں پر 22 چوکوں کی بدولت 110 رنز اسکور کیے۔

Zimbabwe cricket में ऐसा scorecard सामने आया है जिसने internet हिला दिया
50 overs में 822 रन!
एक बल्लेबाज़ ने 302, दूसरे ने 203...
और bowlers ने अकेले 108 extras दे डाले..
ये domestic match था या batting practice? #ZimbabweCricket #Cricket #Viral #CricketTwitter #RecordBreak pic.twitter.com/7gbB5DL3v4
— Deepak Chauhan 🇮🇳 (@deepak_unfilter) May 11, 2026

اتنے بڑے ہدف کے تعاقب میں میتھین لائنز کی ٹیم مکمل طور پر دباؤ کا شکار نظر آئی اور پوری ٹیم محض 28 رنز پر ڈھیر ہوگئی۔

یوں اسکارپیئنز نے 794 رنز کے حیران کن مارجن سے کامیابی حاصل کر کے کرکٹ تاریخ کی سب سے بڑی فتح اپنے نام کر لی۔

واضح رہے کہ تسلیم شدہ لسٹ اے کرکٹ میں سب سے بڑا سکور بھارتی ٹیم بہار کے پاس ہے، جس نے وجے ہزارے ٹرافی میں اروناچل پردیش کے خلاف 6 وکٹوں پر 574 رنز بنائے تھے۔

اس میچ میں ویبھو سوریاونشی نے 84 گیندوں پر 190 رنز کی برق رفتار اننگز کھیل کر سب کی توجہ حاصل کی تھی۔