پاکستان ہاکی فیڈریشن کا ایف آئی ایچ پرو ہاکی لیگ کیلئے35 کھلاڑیوں کے ناموں کا اعلان

جمعہ 15 مئی 2026 13:14

لاہور (اُردو پوائنٹ اخبارتازہ ترین - اے پی پی۔ 15 مئی2026ء) پاکستان ہاکی فیڈریشن نے ایف آئی ایچ پرو ہاکی لیگ کیلئے35 کھلاڑیوں کے ناموں کا اعلان کر دیا۔نیشنل ہاکی سٹیڈیم لاہور میں جاری سینئر تربیتی کیمپ کے دوران پی ایچ ایف سلیکشن کمیٹی نے کھلاڑیوں کو شارٹ لسٹ کیا۔ان کھلاڑیوں کے فائنل ٹرائلز19 اور20 مئی کو لیے جائیں گے،جس کے بعد قومی ٹیم کا حتمی اعلان کیا جائے گا۔

شارٹ لسٹ کیے گئے کھلاڑیوں میں گول کیپرز منیب الرحمن،علی رضا، فیضان جنجوعہ اور وقار شامل ہیں۔

(جاری ہے)

ڈیفنڈرز میں سفیان خان،محمد عبداللہ،ارشد لیاقت، عماد شکیل بٹ، معین شکیل، حماد انجم، ندیم خان، علی حمزہ، عمر مصطفی، ابوبکر، عبدالمنان، ارباز، محمد احسن ندیم،محمد عماد اور رانا ولید شامل ہیں۔سٹرائیکرز میں احمد ندیم، غضنفر، افراز خان، ذکریا حیات، رانا وحید، عبدالرحمان، حنان شاہد، عدیل لطیف، بشارت علی، علی مرتضی، عمیر ستار، بلال، ابوزر، عبداللہ یوسف، حمزہ فیاض اور عبدالوہاب کو شامل کیا گیا ہے۔

اس موقع پر سلیکشن کمیٹی کے چیئرمین اولمپین سمیع اللہ خان جبکہ ممبران اولمپین نعیم اختر، اولمپین ناصر علی، اولمپین منظور الحسن، اولمپین کاشف جواد اور اولمپین ڈاکٹر عاطف بشیر بھی موجود تھے۔