شادی کیلئے عمر کی کوئی قید نہیں‘کسی بھی حصے میں شادی ہوسکتی، فاران طاہر

بدھ 20 مئی 2026 23:57

نیو یارک (اُردو پوائنٹ اخبارتازہ ترین - آن لائن۔ 20 مئی2026ء) ہالی ووڈ اداکار فاران طاہر نے کہا ہے جوانی میں شادی کرو تو ایک خاندان کی ضرورت ہوتی ہے، لیکن جب بڑی عمر میں شادی کرو تو آپ کو کسی ایسے شخص کی ضرورت ہوتی ہے جو آپکوسمجھے اور اس کا ساتھ دے۔ ایک انٹرویو کے دوران انہوں نے کہا شادی کے لیے عمر کی کوئی قید نہیں ہے، عمر کے کسی بھی حصے میں شادی کی جا سکتی ہے۔

۔انہوں نے طلاق کے بعد دوبارہ شادی کرنے کے بارے میں بات کرتے ہوئے کہا کہ طلاق کے بعد زندگی میں شریکِ حیات کی کمی محسوس ہونا فطری عمل ہے اور کئی بار انسان اکیلے بھی خوش ہوتا ہے۔اداکار نے کہا کہ مجھے زندگی میں کبھی کبھی شریکِ حیات کی کمی محسوس ہوتی ہے لیکن یہ احساس مجھے ہر وقت نہیں ہوتا۔ہالی ووڈ اداکار فاران طاہر نے مستقل پاکستان منتقلی کی وجہ بتا دیاٴْنہوں نے کہا کہ زندگی میں ایک مخلص ساتھی کی ہم سب کو ضرورت ہوتی ہے، میں نے اپنی زندگی میں شادی کرنے کا آپشن ہمیشہ رکھا ہے، ہو سکتا ہے مجھے ایسا ساتھی مل جائے جو میرے لیے موزوں ہو، لیکن میری ترجیحات اب بدل گئی ہیں۔

(جاری ہے)

انہوں نے کہا جب انسان جوانی میں شادی کرتا ہے تو اسے ایک خاندان کی ضرورت ہوتی ہے، لیکن جب بڑی عمر میں شادی کرتا ہے تو اسے کسی ایسے شخص کی ضرورت ہوتی ہے جو اسے سمجھے اور اس کا ساتھ دے۔اٴْنہوں نے کہا کہ میں یہ سمجھتا ہوں کہ ہمارے معاشرے سے اب اس سوچ کو ختم ہو جانا چاہیے کہ ایک بوڑھے انسان کو شادی کرنے کے بارے میں سوچنا چھوڑ دینا چاہیے۔اداکار نے کہا کہ شادی کے لیے عمر کی کوئی قید نہیں ہے، مجھے متعدد لوگوں نے کہا کہ اب مجھے شادی کے بارے میں سوچنا چھوڑ دینا چاہیے۔