پرنس رحیم آغا خان کا دورہ پاکستان مکمل، وطن واپس روانہ

منگل 26 مئی 2026 21:30

پرنس رحیم آغا خان کا دورہ پاکستان مکمل، وطن واپس روانہ
اسلام آباد( آن لائن ) پرنس رحیم آغا خان اپنا د دورہ پاکستان مکمل کرنے کے بعد واپس روانہ ہوگئے۔ نورخان ایئربیس پر وفاقی وزیر برائے پارلیمانی امور ڈاکٹر طارق فضل چوہدری نے انہیں الوداع کیا، جہاں رخصتی کے موقع پر پرتپاک خیرسگالی کا اظہار بھی کیا گیا۔

(جاری ہے)

اس موقع پر وفاقی وزیر کی جانب سے پرنس رحیم آغا خان کو ایک خصوصی تصویری ایلبم پیش کی گئی، جس میں ان کے دورہ پاکستان کے دوران ہونے والی اہم ملاقاتوں اور یادگار لمحات کی تصاویر شامل تھیں۔

ڈاکٹر طارق فضل چوہدری نے کہا کہ پاکستان کی ترقی میں آغا خان ڈویلپمنٹ نیٹ ورک کی خدمات قابل تحسین ہیں، جبکہ حکومت پاکستان اے کے ڈی این کے فلاحی، تعلیمی اور معاشی منصوبوں کو قدر کی نگاہ سے دیکھتی ہے۔انہوں نے اس امید کا اظہار کیا کہ پرنس رحیم آغا خان کے حالیہ دورے سے پاکستان اور آغا خان ڈویلپمنٹ نیٹ ورک کے درمیان تعاون اور شراکت داری مزید مضبوط ہوگی۔