پہلے فارچیونر اب سوناتا کار کا دعویٰ ! یہ شخص سمجھتا ہےکہ پورا ملک اس کے پیسوں پر چل رہا ہے

جس کسی کو بھی کچھ چاہیئے ان سے رابطہ کریں، یہ آپ کو کروڑ بھی دیں گے اور گاڑیاں بھی، بس اپنا دل گردہ بیچ کر۔ اداکارہ مومنہ اقبال کا ایم پی اے ثاقب چڈھر کو نئے دعوؤں کا جواب

ثنااللہ ناگرہ منگل 26 مئی 2026 23:49

پہلے فارچیونر اب سوناتا کار کا دعویٰ ! یہ شخص سمجھتا ہےکہ پورا ملک اس ..

لاہور (اردوپوائنٹ اخبار تازہ ترین۔ انٹرنیشنل پریس ایجنسی ۔ 26 مئی 2026ء ) اداکارہ مومنہ اقبال نے ایم پی اے ثاقب چڈھر کے نئے دعوؤں کا جواب دیتے ہوئے کہا کہ یہ شخص سمجھتا ہےکہ پورا ملک اس کے پیسوں پر چل رہا ہے۔ اداکارہ مومنہ اقبال نے انسٹاگرام اسٹوری میں ایم پی اے ثاقب چڈھر کے نئے دعوؤں کا جواب دیتے ہوئے کہا کہ یہ شخص سمجھتا ہے کہ پورا ملک اس کے پیسوں پر چل رہا ہے۔

پہلے اس نے فارچیونر کا دعویٰ کیا اور پتا نہیں کیا کیا ان کا تھا، اب دوسری کار سوناتا کا بھی دعویٰ کر رہا ہے۔ اور گھٹیا انسان گھٹیا ہی کہتا ہے، میں اب مان ہی نہیں سکتی کہ پاکستان میں کوئی بھی اپنی گاڑی چلا رہا ہے، بلکہ سب ان کی دی ہوئی چلا رہے۔ اوہ ! سچ آپ تو ساری گاڑیاں نان کسٹم ہیں۔۔ نئیں؟ اسی لئے جس کسی کو بھی کچھ بھی چاہیئے ان سے رابطہ کریں۔

(جاری ہے)

ان کا دل بہت بڑا ہے یہ آپ کو کروڑ بھی دیں گے اور گاڑیاں بھی ۔ بس اپنا دل گردہ بیچ کر بھی دیں گے۔

View this post on Instagram

یاد رہے ثاقب چدھڑ نے مومنہ اقبال کے منگیتر کو جواب دیتے ہوئے کہا تھا کہ "میری گاڑی پر آ کر مجھے گھٹیا کہہ رہا ہے"۔

پیر کے روز این سی سی آئی میں پیشی کے بعد صحافیوں کی جانب سے مسلم لیگ ن کے ایم پی اے ثاقب چدھڑ سے سخت سوالات کیے گئے۔ ایک صحافی کی جانب سے سوال کیا گیا کہ مونہ اقبال کے ہونے والے شوہر کی جانب سے آپ کو گھٹیا کہا گیا ہے، اس پر کیا ردعمل دیں گے؟۔ جواب میں ثاقب چدھڑ نے مومنہ اقبال کے منگیتر کے ریمارکس پر کہا کہ "میری گاڑی پر آ کر مجھے گھٹیا کہہ رہا ہے"۔

میری گاڑی پر آکر مجھے گھٹیا کہہ رہا ہے
ثاقب چدھڑ کا مومنہ اقبال کے شوہرکو جواب@saqibkhanchadhr pic.twitter.com/28ONtOF9N1
— Jawan Pakistan (@JawanDigital) May 25, 2026

اس سے قبل این سی سی آئی میں پیشی کے بعد میڈیا سے گفتگو کرتے ہوئے وکیل محمد ثاقب چڈھرنے بتایا کہ آج ہم نے این سی سی آئی میں اپنا بیان یکارڈ کرایا ہے، آج وقت مقررہ پر محمد ثاقب چڈھراور ان کی اہلیہ پیش ہوئے، ان دونوں کے خلاف درخواست آئی ہے۔این سی سی آئی افسران نے چار گھنٹے پر محیط مفصل انکوائری کی ہے۔ابھی کیس کی تفتیش کے مراحل بڑی تفصیل سے آگے بڑھیں گے۔

این سی سی آئی میں درجنوں ثبوت پیش کئے ہیں جن کا فرانزک بھی ہوسکتا ہے، ہم نے ثابت تفتیش میں ثابت کیا کہ اصل وکٹم ہم ہیں، ہمارا مئوقف ہے اور ہم سمجھتے ہیں کہ ہمیں ہراساں کیا جارہا ہے، ہم نے ثابت کیا کہ بلیک میلر کون ہے اور کون مفادات حاصل کرنا چاہتا ہے، یہ من گھڑت درخواست ہے۔میں نے پہلے بھی کہا ہے کہ ہم ملک بھر کی تمام خواتین کی عزت کرتے ہیں، ہم خاتون کیخلاف کوئی ایسی چیز نہیں لانا چاہتے کہ جس سے کسی کا فائدہ یا نقصان ہو۔تلخ حقائق کو مدنظر رکھتے ہوئے ہم اپنا سچ ہر حال میں سامنے لائیں گے۔