صدر واہ پولیس کی کارروائی، پتنگ سپلائر گرفتار، درجنوں پتنگیں اور ڈوریں برآمد

بدھ 3 جون 2026 21:03

راولپنڈی (اُردو پوائنٹ اخبارتازہ ترین - اے پی پی۔ 03 جون2026ء) تھانہ صدر واہ پولیس نے پتنگ بازی کے خلاف جاری مہم کے دوران کارروائی کرتے ہوئے ایک پتنگ سپلائر کو گرفتار کرکے اس کے قبضہ سے 24 پتنگیں اور 12 ڈوریں برآمد کر لیں۔پولیس ترجمان کے مطابق گرفتار ملزم کے خلاف مقدمہ درج کرکے مزید تفتیش شروع کر دی گئی ہے۔

(جاری ہے)

ایس پی پوٹھوہار سردار بابر ممتاز خان نے کہا کہ حکومت پنجاب کی ہدایات کے مطابق پتنگ بازی کو ناقابل ضمانت جرم قرار دیا جا چکا ہے اور اس خونی کھیل میں ملوث افراد کے خلاف بلاامتیاز کارروائی عمل میں لائی جا رہی ہے۔ انہوں نے کہا کہ انسانی جانوں سے کھیلنے والوں کو کسی صورت قانون کی گرفت سے بچنے نہیں دیا جائے گا۔