یونیورسٹی آف چائلڈ ہیلتھ سائنسز میں عالمی پلے ڈے کی تقریب کا انعقاد، خواجہ سلمان رفیق کی خصوصی شرکت

لاہور (اُردو پوائنٹ اخبارتازہ ترین - این این آئی۔ 19 جون2026ء) یونیورسٹی آف چائلڈ ہیلتھ سائنسز میں عالمی پلے ڈے کی تقریب کا انعقادکیاگیا۔ صوبائی وزیر صحت خواجہ سلمان رفیق نے بطور مہمان خصوصی شرکت کی۔اس موقع پراراکین پنجاب اسمبلی عدنان چٹھہ اور عشرت اشرف، وائس چانسلر پروفیسر ڈاکٹر مسعود صادق، میڈیکل ڈائریکٹر چلڈرن ہسپتال پروفیسر ڈاکٹر ٹیپو سلطان، پرو وائس چانسلر پروفیسر جنید رشید و دیگر فیکلٹی ممبران بھی ہمراہ تھے۔

صوبائی وزیر نے مختلف سٹالز کا دورہ کر کے ننھے اور معصوم بچوں کی جانب سے بنائے گئے انتہائی خوبصورت ماڈلز کو سراہا۔معصوم بچوں نے مہمانوں کو اپنے ماڈلز پیش کئے۔صوبائی وزیر صحت خواجہ سلمان رفیق نے کہاکہ انتہائی خوبصورت سٹالز اور بچوں کو کھیلتے ہوئے دیکھ کر بڑی خوشی محسوس ہو رہی ہے۔

(جاری ہے)

3ہزار سے تعداد بڑھا کر 6 ہزار نرسز کی انڈیکشن کی گئی ہے۔

نرسنگ کالجزکی اپ گریڈیشن جبکہ لیبز میں جدید سامان مہیا کیا گیا ہے۔نرسز کو جدید اور بین الاقوامی معیار کی ٹریننگز کروائی جا رہی ہیں۔پاکستانی پروفیشنل نرسز کی پوری دنیا میں مانگ ہے۔ خواجہ سلمان رفیق نے کہاکہ لاہور، راولپنڈی اور ملتان میں نرسنگ یونیورسٹیز بھی بنائی جا رہی ہیں۔ہمارے لئے ڈاکٹرز اور نرسوں کا وقار سب سے اہم ہے۔ہسپتالوں میں روزانہ کی بنیاد پر آنے والے ہزاروں مریضوں کا علاج معالجہ کرنے والے ڈاکٹرز اور نرسوں کو سلام پیش کرتے ہیں۔

صوبائی وزیر صحت نے کہاکہ اگلے سال میڈیکل کی 450 سیٹوں میں اضافہ کیا جا رہا ہے۔ضلعی سطح پر خصوصی مراکز کے قیام کے ساتھ نرسوں کے لئے خصوصی تربیتی کورسز شروع کئے جا رہے ہیں جن میں اسٹروک مینجمنٹ کا شعبہ قابل ذکر ہے۔سرکاری ہسپتالوں میں ڈیجیٹلائزیشن اور پیپر لیس نظام متعارف کروایا جا رہا ہے جس سے نرسنگ سروسز اور مریضوں کی دیکھ بھال مزید مؤثر ہوگی۔

صحت کے شعبے کے ترقیاتی منصوبوں کے لیے اربوں روپے مختص کئے گئے ہیں، جس سے نرسنگ کالجز، تربیتی مراکز اور ہسپتالوں کی استعداد میں اضافہ ہوگا۔رکن پنجاب اسمبلی عدنان چٹھہ نے کہاکہ نرسنگ شعبہ نظام صحت میں ریڑھ کی ہڈی کی حیثیت رکھتا ہے۔دنیا کا کوئی بھی جدید نظام نرسنگ شعبہ کا ردوبدل نہیں ہو سکتا۔رکن پنجاب اسمبلی عشرت اشرف نے کہاکہ خدمت انسانیت میں دین بھی ہے اور دنیا بھی، نظام صحت میں نرسنگ شعبہ کی بڑی اہمیت ہے۔