بڑھتی عمر کو ریورس گیئر! ماہ نور بلوچ کی نئی لک دیکھنے والوں کو پھر سے حیرت میں مبتلا کرگئی

سوشل میڈیا پر وائرل تصاویر میں مختصر بال اور سیاہ کڑھائی والے لباس میں اداکارہ کا اسٹائلش انداز آج کے دور کی کسی 25 سالہ ماڈل کو بھی پیچھے چھوڑ رہا ہے

ساجد علی ہفتہ 11 جولائی 2026 14:16

بڑھتی عمر کو ریورس گیئر! ماہ نور بلوچ کی نئی لک دیکھنے والوں کو پھر سے ..

لاہور (اُردو پوائنٹ اخبارتازہ ترین۔ 11 جولائی 2026ء) اگر پاکستان میں کسی شخصیت کے بارے میں یہ کہا جائے کہ انہوں نے بڑھتی عمر کو قید کر رکھا ہے تو ذہن میں سب سے پہلا نام ماہ نور بلوچ کا ہی آتا ہے، حال ہی میں سوشل میڈیا پر ان کی کچھ نئی تصاویر سامنے آئی ہیں جنہوں نے ایک بار پھر یہ ثابت کر دیا ہے کہ شوبز کی دنیا میں سب کچھ بدل سکتا ہے لیکن ماہ نور بلوچ کی جوانی کو بدلنا ناممکن ہے، ان تصاویر کو دیکھ کر یوں لگتا ہے جیسے وہ سال بہ سال بڑی نہیں بلکہ مزید جوان ہوتی جا رہی ہیں۔

تفصیلات کے مطابق نئی سامنے آنے والی تصاویر میں ماہ نور بلوچ ایک بالکل نئے روپ میں نظر آ رہی ہیں، مختصر بال اور سیاہ کڑھائی والے لباس میں ان کا اسٹائلش انداز کسی 25 سالہ ماڈل کو بھی پیچھے چھوڑ رہا ہے، ایک تصویر میں وہ ڈائریکٹر و پرودیوسر فہیم برنی کے ساتھ کھڑی مسکرا رہی ہیں۔

(جاری ہے)

View this post on Instagram

ماہ نور بلوچ نے 90 کی دہائی میں اپنے کیریئر کا آغاز کیا تھا اور اب تین دہائیاں گزرنے کے بعد بھی ان کے چہرے پر جھری کا ایک نشان تک موجود نہیں، مداح حیران ہیں کہ آخر وہ کون سا جادوئی فارمولا استعمال کرتی ہیں جس سے ان کی عمر آگے بڑھنے کے بجائے پیچھے کی طرف جا رہی ہے۔

ماہ نور بلوچ ماضی میں اپنے انٹرویوز میں بتا چکی ہیں کہ ان کی اس فٹنس کا راز کوئی جادو نہیں بلکہ چینی سے مکمل پرہیز، روزانہ کی سخت ورزش، یوگا اور گرین ٹی کا باقاعدہ استعمال ہے، وہ ذہنی سکون اور مثبت سوچ کو بھی خوبصورتی کے لیے ناگزیر قرار دیتی ہیں، جب کہ مداح ان کی سدا بہار جوانی کو قدرت کا ایک انوکھا کرشمہ بھی قرار دیتے ہیں۔