پنجاب اسمبلی کے حلقہ پی پی 266 میں جہانگیر ترین کے زرعی رقبہ میں لگاء جانے والی ایتھانول فیکٹری کے خلاف عوامی ایکشن کمیٹی کا اجلاس

بدھ 5 اگست 2026 23:18

رحیم یارخان(اُردو پوائنٹ اخبارتازہ ترین - آن لائن۔ 05 اگست2026ء) پنجاب اسمبلی کیحلقہ پی پی 266 میں جہانگیر ترین کے زرعی رقبہ میں لگاء جانے والی ایتھانول فیکٹری کے خلاف عوامی ایکشن کمیٹی کا اجلاس زیر صدارت پیپلز پارٹی کے ایم پی اے ممتاز خان چانگ کے بھاء عبدالستار خان چانگ منعقد ہوا اجلاس میں مختلف سیاسی جماعتوں کے رہنماؤں، مذہبی شخصیات، وکلائ ، تاجر برادری، کسانوں، زمینداروں، نوجوانوں اور سندھ و پنجاب سے تعلق رکھنے والے معززین نے بڑی تعداد میں شرکت کی۔

شرکائ نے جہانگیر خان ترین کی زہرآلودہ ایتھانول فیکٹری کے خلاف آئندہ کی حکمتِ عملی پر مشاورت کی۔اجلاس میں متفقہ طور پر فیصلہ کیا گیا کہ جہانگیر خان ترین کی زہرآلودہ ایتھانول فیکٹری کی تعمیر کسی صورت نہیں ہونے دی جائے گی اور تعمیراتی کام کو روکنے کے لیے بھرپور عوامی، آئینی اور قانونی جدوجہد جاری رکھی جائے گی۔

(جاری ہے)

شرکائ نے اعلان کیا کہ جہانگیر ترین کی جے کے شوگر ملز کا گھیراؤ کیا جائے گا گنے کی سپلائی بند کی جائے گی اور جے کے شوگر ملز سے جتنے بھی زمینداران نے قرضہ لیا ہے وہ واپس نہیں کیا جائے گا۔

اجلاس میں یہ بھی مؤقف اختیار کیا گیا کہ عوامی احتجاجی تحریک کو مزید وسعت دی جائے گی اور ماہی چوک سے لاہور کراچی اور اسلام آباد تک ہر فورم پر آواز اٹھائی جائے گی۔ پنجاب اسمبلی کے باہر، مختلف پریس کلبوں کے سامنے اور نیشنل ہائی وے پر بھی احتجاجی مظاہرے کیے جائیں گے، جبکہ ضرورت پڑنے پر سڑکوں کی بندش سمیت دیگر پرامن احتجاجی اقدامات بھی کیے جائیں گے۔ اجلاس کے اختتام پر شرکائ نے جہانگیر خان ترین اور علی ترین کی تصاویر والے بینرز اٹھا کر احتجاج کیا اور جے کے شوگر ملز اور جہانگیر خان ترین کی زہرآلودہ ایتھانول فیکٹری کے خلاف شدید نعرے بازی کی۔