میپکو کی بجلی چوروں اور نادہندگان کے خلاف بھرپور کارروائی

پیر 17 اگست 2026 18:15

صادق آباد (اُردو پوائنٹ اخبارتازہ ترین - اے پی پی۔ 17 اگست2026ء) ملتان الیکٹرک پاور کمپنی (میپکو)نے بستی فاضل پور، رفیق طاہر ٹاؤن، بستی جنگی اور بستی گامو دشتی میں بجلی چوروں اور نادہندگان کے خلاف بھرپور کارروائی کی۔آپریشن کے دوران ڈائریکٹ تاریں لگا کر بجلی چوری کرنے والوں کے کنکشنز موقع پر کاٹ کر تاریں و دیگر آلات قبضے میں لے لیے گئے۔

(جاری ہے)

اس کے علاوہ پی ڈسک (PDISC) نادہندگان کے ذمے واجب الادا بقایا جات کی وصولی کے لیے کارروائی کی گئی اور نادہندگان کے میٹرز فوری طور پر منقطع کر دیے گئے۔اس موقع پر ایکسین محسن نذیر کھوسہ اور ایس ڈی او ذوالفقار علی خاصخیلی نے واضح کیا کہ بجلی چوری اور نادہندگی کے خلاف زیرو ٹالرنس پالیسی پر عمل کیا جا رہا ہے۔ قومی خزانے کو نقصان پہنچانے والوں کے خلاف کسی قسم کی رعایت نہیں برتی جائے گی اور یہ مہم بلاامتیاز جاری رہے گی۔