Live Updates

پیٹرولیم مصنوعات کی قیمتوں میں مسلسل اضافے پر ایم پی پی کی شدید مذمت

بدھ 19 اگست 2026 17:48

کراچی(اُردو پوائنٹ اخبارتازہ ترین - این این آئی۔ 19 اگست2026ء) مِیری پہچان پاکستان کی مرکزی کمیٹی نے پیٹرولیم مصنوعات کی قیمتوں میں ریلیف دینے کے بجائے مسلسل اضافے پر شدید تشویش اور سخت مذمت کا اظہار کرتے ہوئے کہا ہے کہ حکومت کے حالیہ فیصلوں نے مہنگائی کے طوفان میں گھرے عوام کی مشکلات میں مزید اضافہ کر دیا ہے۔مرکزی کمیٹی کے اراکین نے اپنے مشترکہ بیان میں کہا کہ پٹرول، ڈیزل اور دیگر پیٹرولیم مصنوعات کی قیمتوں میں بار بار اضافہ نہ صرف ٹرانسپورٹ کے اخراجات بڑھاتا ہے بلکہ اشیائے خوردونوش، ادویات، بجلی اور روزمرہ استعمال کی تمام ضروری اشیائ کی قیمتوں پر بھی براہِ راست اثر انداز ہوتا ہے، جس کا بوجھ بالآخر عام شہری کو برداشت کرنا پڑتا ہے۔

بیان میں کہا گیا کہ پہلے ہی بے روزگاری، مہنگائی اور معاشی دباؤ کا شکار عوام کے لیے مزید قیمتوں میں اضافہ ناقابلِ برداشت ہو چکا ہے۔

(جاری ہے)

حکومت کو چاہیے کہ وہ عوام کو فوری ریلیف فراہم کرے، پیٹرولیم مصنوعات کی قیمتوں میں کمی لائے اور ایسے مؤثر اقدامات کرے جن سے عام آدمی کی زندگی آسان ہو سکے۔ایم پی پی کی مرکزی کمیٹی نے مطالبہ کیا کہ عوامی مفاد کو ترجیح دیتے ہوئے پیٹرولیم مصنوعات کی قیمتوں کا ازسرِنو جائزہ لیا جائے، ٹیکسوں اور اضافی لیویز میں کمی کی جائے اور مہنگائی پر قابو پانے کے لیے جامع پالیسی اختیار کی جائے۔

کمیٹی نے اس عزم کا اعادہ کیا کہ مِیری پہچان پاکستان عوام کے مسائل کے حل، معاشی انصاف اور عوامی حقوق کے تحفظ کے لیے اپنی آواز بلند کرتی رہے گی اور ہر فورم پر عوامی مفادات کا دفاع جاری رکھے گی۔