دہشتگردی کے خاتمہ کیلئے پوری قوم سیکورٹی فورسز کے شانہ بشانہ کھڑی ہے،علماء ومشائخ

جمعہ 21 اگست 2026 12:56

سرگودھا(اُردو پوائنٹ اخبارتازہ ترین - این این آئی۔ 21 اگست2026ء) علما مشائخ ونگ مسلم لیگ ن نے دہشت گردی میں شہیدہونے یا غازی بننے والے شہریوں،ا فسروں اور سکیورٹی اہلکاروں کو سلام پیش کرتے ہوئے کہا کہ ان کی گراں قدر نا قابل فراموش ہیں جنہیں ہمشہ یاد رکھا جائے گا۔

(جاری ہے)

زرائع کے مطابق علما و مشائخ ونگ مسلم لیگ ن کے صدر پیر عرفان رسول شاہ،جنرل سیکرٹری ملک ضیا الحق،سیکرٹری اطلاعات شیخ نعیم طاہر اور دیگر نے دہشت گردی کے شکار افراد کے یادگار عالمی دن پر اپنے پیغام میں دہشت گردی کے شکار افراد کے اہل خانہ کے حوصلوں کو سلام پیش کرتے ہوئے شہدا اور غازیوں کے لئے خصوصی دعا کی جو دہشت گردی کے سامنے سیسہ پلائی دیوار بنے۔

ان کا کہنا تھا کہ دہشت گردی میں ملوث افراد کا کوئی مذہب، کوئی وطن اور کوئی زبان نہیں ہوتی۔جن کے ناپاک عزائم کو خاک میں ملانے کے لئے ہمیں ایک ایسا معاشرہ تشکیل دینا ہے جہاں امن، محبت اور رواداری کا راج ہو اور امن کی شمع روشن رکھے انہوں نے قیام امن اور مکمل ہم آہنگی کے عزم کا اظہار کرتے ہوئے کہا ملک سے دہشت گردی کے خاتمہ کے لئے پوری قوم سیکورٹی فورسز کے شانہ بشانہ کھڑی ہے۔