ْثانیہ اشفاق کا عماد وسیم پر زبردستی ایبارشن کا الزام، ڈاکٹر نے کہانی کا دوسرا رخ بتا دیا

جمعہ 4 ستمبر 2026 22:30

اسلام آباد (اُردو پوائنٹ اخبارتازہ ترین - این این آئی۔ 04 ستمبر2026ء) قومی کرکٹر عماد وسیم کی سابقہ اہلیہ ثانیہ اشفاق کی جانب سے زبردستی ایبارشن کے الزام کے بعد مبینہ طور پر یہ پروسیجر کرنے والی ڈاکٹر نے بھی خاموشی توڑتے ہوئے اپنا موقف پیش کر دیا۔میڈیا رپورٹ کے مطابق ثانیہ اشفاق نے حالیہ پوڈکاسٹ میں یہ دعویٰ کیا تھا کہ 2023میں ان کے شوہر اور ساس نے انہیں تیسرے بچے کا حمل ختم کروانے پر مجبور کیا اور وہ اس کے حق میں بالکل نہیں تھیں کیونکہ بچے کی دھڑکن محسوس ہونے لگی تھی۔

انہوں نے بتایا تھا کہ لاہور میں ایک ڈاکٹر کو اس پروسیجر کیلئے ایک لاکھ روپے ادا کیے گئے، انہیں بے ہوش کیا گیا اور جب انہیں ہوش آیا تو حمل ختم ہو چکا تھا۔مذکورہ ڈاکٹر نے اپنے یوٹیوب چینل پر اس معاملے سے متعلق موقف دیتے ہوئے اسقاطِ حمل کا پروسیجر کرنے سے انکار نہیں کیا مگر ثانیہ کے اسے جبری قرار دینے کے دعوے کی تردید کی ہے۔

(جاری ہے)

ڈاکٹر نے دعویٰ کیا کہ ثانیہ اشفاق اس فیصلے سے آگاہ اور رضامند تھیں کیونکہ حمل غیر منصوبہ بند تھا اور وہ ورلڈ کپ کیلئے سفر کرنا چاہتی تھیں۔

انہوںنے کہا تھا کہ انہیں اس وقت جوڑے کے ازدواجی تعلقات بہتر محسوس نہیں ہوئے تھے مگر اسقاطِ حمل کے فیصلے پر دونوں میاں بیوی متفق تھے۔واضح رہے کہ ثانیہ اشفاق اور ڈاکٹر کی جانب سے اس معاملے پر متضاد دعوے کیے گئے ہیں، اس لیے جبری اسقاطِ حمل سے متعلق الزام کو آزادانہ طور پر ثابت شدہ حقیقت قرار نہیں دیا جا سکتا۔اس بیان کے بعد سوشل میڈیا صارفین کی جانب سے ڈاکٹر پر تنقید کی گئی