میجر راجہ عزیز بھٹی شہید کی بے مثال بہادری، جرات اور حب الوطنی پوری قوم کے لیے باعثِ فخر ہے، حنیف عباسی

ہفتہ 12 ستمبر 2026 20:18

ٴْاسلام آباد(اُردو پوائنٹ اخبارتازہ ترین - آن لائن۔ 12 ستمبر2026ء) وفاقی وزیر ریلوے محمد حنیف عباسی نے میجر راجہ عزیز بھٹی شہید کے یومِ شہادت پر انہیں خراجِ عقیدت پیش کرتے ہوئے کہا ہے کہ میجر راجہ عزیز بھٹی شہید کی بے مثال بہادری، جرات اور حب الوطنی پوری قوم کے لیے باعثِ فخر ہے۔محمد حنیف عباسی نے کہا کہ 1965 کی جنگ میں میجر راجہ عزیز بھٹی شہید نے دشمن کے سامنے ڈٹ کر دفاعِ وطن کی عظیم مثال قائم کی اور مادرِ وطن کے دفاع کے لیے اپنی جان کا نذرانہ پیش کرکے تاریخ میں لازوال مقام حاصل کیا۔

انہوں نے کہا کہ میجر راجہ عزیز بھٹی شہید کی شجاعت، عزمِ صمیم اور قربانی قومی جذبے اور دفاعِ وطن کی روشن علامت ہے۔ شہید کی عظیم قربانی ہمیں وطن کی سلامتی، خودمختاری اور دفاع کے لیے ہر قربانی دینے کا حوصلہ دیتی ہے۔

(جاری ہے)

وفاقی وزیر ریلوے نے کہا کہ میجر راجہ عزیز بھٹی شہید کی بے مثال قربانی نوجوان نسل کے لیے جرات، وفاداری اور وطن سے محبت کا مشعلِ راہ ہے۔

قوم اپنے بہادر سپوت میجر راجہ عزیز بھٹی شہید سمیت تمام شہدائے وطن کو عقیدت و احترام سے خراجِ تحسین پیش کرتی ہے۔محمد حنیف عباسی نے دعا کی کہ اللہ تعالی میجر راجہ عزیز بھٹی شہید سمیت تمام شہدائے وطن کے درجات بلند فرمائے اور ہمیں ان کے نقشِ قدم پر چلنے اور وطن کی سلامتی و استحکام کے لیے اپنا کردار ادا کرنے کی توفیق عطا فرمائے۔