محمد عباس نے وسیم اکرم کا 27 برس پرانا ریکارڈ برابر کردیا

ہفتہ 12 ستمبر 2026 20:40

برمنگھم (اُردو پوائنٹ اخبارتازہ ترین - این این آئی۔ 12 ستمبر2026ء) پاکستانی کرکٹ ٹیم کے فاسٹ بولر محمد عباس نے لیجنڈ آل راونڈر وسیم اکرم کا 27 برس پرانا ریکارڈ برابر کردیا ۔تفصیلات کے مطابق36سالہ محمد عباس نے انگلینڈ کے خلاف تیسرے ٹیسٹ میچ میں زبردست بیٹنگ اور بولنگ کی اور خود کو پرفارمنس سے نمایاں کیا۔

(جاری ہے)

42رنز بنانے والے محمد عباس نے 9ویں وکٹ پر رضا اللہ 81 رنز کے ہمراہ 121 رنز کی شراکت قائم کی اور ٹیم کا مجموعی اسکور 449 رنز تک پہنچانے میں اپنا کردار ادا کیا۔

محمد عباس نے 130 رنز کے ہدف کے تعاقب میں اترنے والی انگلش ٹیم کے ابتدائی 2 بیٹرز کو پہلے ہی اوورز میں آئوٹ کیا۔اس سے قبل یہ کارنامہ 1999 میں وسیم اکرم نے سری لنکا کے خلاف انجام دیا تھا، اس کے ساتھ ہی وہ ٹیسٹ میچ کی اننگز میں پہلے ہی اوورز میں 2 وکٹ لینے والے پہلے پاکستانی کھلاڑی بن گئے تھے۔