میررضا قتل کیس، جوڈیشل کمیشن کی مدت میں توسیع کا فیصلہ نہ ہوسکا

ہفتہ 26 ستمبر 2026 20:40

کراچی(اُردو پوائنٹ اخبارتازہ ترین - این این آئی۔ 26 ستمبر2026ء) میر رضا قتل کیس کی تحقیقات کرنے والے جوڈیشل کمیشن کی مدت میں توسیع کی درخواست پر سندھ حکومت کی جانب سے تاحال کوئی فیصلہ نہیں ہوسکا۔ذرائع کے مطابق جوڈیشل کمیشن نے سندھ حکومت سے اپنی مدت میں 15 اکتوبر تک توسیع کی درخواست کی ہے۔

(جاری ہے)

کمیشن کے قیام کا نوٹیفکیشن 24 اگست کو جاری کیا گیا تھا جبکہ کمیشن نے 27 اگست کو کارروائی کا آغاز کیا۔

کمیشن کو ایک ماہ میں تحقیقات مکمل کرنا تھیں اور موجودہ مدت 27 ستمبر کو ختم ہورہی ہے۔ تاہم کمیشن نے 28 ستمبر کو تفتیشی افسر ڈی ایس پی سراج لاشاری اور سی پی ایل سی کے نمائندے کاشف کو بھی طلب کر رکھا ہے۔ذرائع کے مطابق کمیشن کی مدت ختم ہونے میں ایک روز باقی ہے، تاہم توسیع کے حوالے سے سندھ حکومت کی جانب سے تاحال فیصلہ سامنے نہیں آیا۔