سی ڈی اے میں 10 جعلی پلاٹوں کی مبینہ الاٹمنٹ کا مقدمہ درج کر لیا گیا

مقدمے میں سی ڈی اے کے9افسران کو نامزدکیا گیا ہے‘ایف آئی اے کارپوریٹ کرائم سرکل تفتیش کرئے گا

میاں محمد ندیم جمعہ 9 اکتوبر 2026 17:27

سی ڈی اے میں 10 جعلی پلاٹوں کی مبینہ الاٹمنٹ کا مقدمہ درج کر لیا گیا

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔09 اکتوبر ۔2026 ) وفاقی دارالحکومت اسلام آباد کے ترقیاتی ادارے سی ڈی اے میں 10 جعلی پلاٹوں کی مبینہ الاٹمنٹ کا مقدمہ درج کر لیا گیا ہے ایف آئی اے کارپوریٹ کرائم سرکل اسلام آباد نے مقدمہ درج کیا.

(جاری ہے)

مقدمے میں سی ڈی اے کے لینڈ اینڈ ری ہیبلیٹیشن ڈائریکٹوریٹ کے افسران اور اہلکار نامزد کیے گئے ہیں مقدمہ کے مطابق الاٹمنٹ میں جعلسازی، اختیارات کے ناجائز استعمال اور مبینہ ملی بھگت کے الزامات ہیں، مقدمے میں سابق ڈائریکٹر لینڈ عرفان اللہ، لطیف سعیدی، اصغر علی، فقیر محمد، محمد اطہر خان، افنان عالم، ڈائریکٹر لینڈ سدرہ انور اور ساجد اسلم نامزد ہیں. مقدمہ کے مطابق ساجد اسلم ضلع ملتان میں سرکاری زمین کے عوض اہلیت سرٹیفکیٹ حاصل کرچکے تھے اسلام آباد میں 10 پلاٹوں کی الاٹمنٹ کے ذریعے مبینہ طور پر دہرہ بحالی فائدہ دیا گیا سابق ممبر اسٹیٹس سی ڈی اے یاسر شاہ اور دیگر کا کردار بھی دوران تفتیش جانچا جائے گا ایف آئی اے کے مطابق مقدمے میں نامزد افراد کے خلاف الزامات کی مزید تحقیقات جاری ہیں.