یوکرائن کی غریب مائوں کی کوکھ کرائے پر دستیاب

ملکی قانون کے تحت صرف وہی عورت اپنی کوکھ کرائے پر دے سکتی ہے جس کی کم از کم اپنی ایک اولاد ہو

ہفتہ 17 فروری 2018 13:05

کیف(اُردو پوائنٹ اخبار آن لائن۔ ہفتہ 17 فروری 2018ء)یوکرائن کی غریب مائوں کی کوھ کرائے پر دستیاب ہے ۔غیرملکی خبررساں ادارے کے مطابق یوکرین جس کا شمار یورپ کے غریب ممالک میں ہوتا ہے، وہ تیزی سے کرائے کی ماؤں کا مرکز بنتا جا رہا ہے۔ دنیا بھر کے امیر ممالک کے ایسے جوڑے جو خود کسی وجہ سے بچے پیدا کرنے سے قاصر ہیں وہ یوکرین کی نوجوان عورتوں کی کوکھ کو کرائے پر خرید رہے ہیں۔

آنا کو سروگیسی (کرائے کی ماں) ) کے بارے میں معلومات ٹی وی کی خبروں سے ہوا۔ آنا نے ابھی سکینڈری سکول سے نکلی تھیں اور ہوٹل میں نوکری کرنے کا سوچ رہی تھیں جب انھیں سروگیسی کے بارے میں معلوم ہوا۔ہوٹل کی نوکری میں آنا کو 200 ڈالر تنخواہ ملتی تھی جبکہ وہ اپنی کوکھ کرائے پر دے کر 20ہزار ڈالر کما سکتی ہے۔

(جاری ہے)

آنا کا خاندان غریب نہیں ہے۔ ان کی ماں ایک اکاونٹنٹ ہیں اور انھوں نے ہمیشہ آنا کی مدد کی۔

لیکن آنانے کہاکہ وہ سروگیسی کی طرف اس لیے مائل ہوئیں کہ وہ زیادہ دولت چاہتی تھیں تاکہ گھر کی تزئین و آرائش کرسکیں، اور گاڑی بھی خرید سکیں۔یوکرین کے قانون کے مطابق صرف وہی عورت اپنی کوکھ کرائے پر دے سکتی ہے جس کی کم از کم اپنی ایک اولاد ہو۔ اس کی یہ وجہ بتائی جاتی ہے ہ عورتیں بچے کی پیدائش پر جذباتی نہ ہو جائیں۔