طبی ماہرین کی روزہ داروں کو افطار میں تلی ہوئی اشیاء سے پرہیز کرنے کی ہدایت

جمعرات 24 مئی 2018 14:48

اسلام آباد ۔ (اُردو پوائنٹ اخبار آن لائن۔ جمعرات 24 مئی 2018ء) طبی ماہرین نے روزہ داروں کو افطار میں تلی ہوئی اشیاء سے پرہیز کرنے اور پکوڑے، سموسے اور کچوری کو افطاری کا حصہ نہ بنانے کی ہدایت کی ہے جبکہ مصالحہ دار اشیائے خورد و نوش بھی استعمال نہ کی جائیں۔

(جاری ہے)

طبی ماہرین نے کہا ہے کہ افطاری کرتے ہوئے زیادہ ٹھنڈا اور کھٹا شربت استعمال نہ کیا جائے کیونکہ ایسا کرنے سے گلہ خراب اور پھر بخار ہونے کا اندیشہ ہوتا ہے۔

انہوں نے کہا کہ افطاری سادہ کی جائے اور کھانے میں سبزیوں کا استعمال کیا جائے جبکہ گوشت صرف ضرورت کے مطابق ہی کھایا جائے۔ انہوں نے کہاکہ روزہ دار سھری اور افطاری میں گھی میں پکی ہوئی اشیاء کا استعمال بھی کم سے کم کریں بلکہ عام زندگی میں بھی تلی ہوئی اشیاء سے پرہیز ہی کیا جائے کیونکہ چکنائی کا استعمال بہت سے بیماریوں کو جنم دیتا ہے۔