Quick Egg Noodles Recipe - Make Egg Noodles for Kids

اجزاء:
انڈے دو عدد
مرچ پاؤڈر ایک چائے کا چمچ
ہلدی پاؤڈر ایک چائے کا چمچ
تیل چار کھانے کے چمچ
پیاز(باریک کٹا ہوا) ایک عدد
سویا سوس ایک کھانے کا چمچ
آلو(پکے ہوئے اور چھوٹے ٹکڑوں میں کٹے ہوئے) دو عدد
سبز پھلیاں (گلا لیں) آدھ پاؤ
نوڈلز (گلا لیں) 350گرام
نمک اور تازہ پسی ہوئی کالی مرچ حسب ذائقہ
پیازوں کے چھلکے سجانے کے لئے
ترکیب:
انڈوں کو پھینٹ لیں۔ فرائی پین میں ہلکا سا تیل لگا کر گرم کر یں اور انڈوں کے دو آملیٹ بنا لیں۔ آملیٹ پلیٹ میں رکھ کر رول بنائیں۔ اور ان کے باریک باریک قتلے بنالیں۔ ایک پیالے میں مرچ اور ہلدی پاؤڈر مکس کر یں اور تھوڑا سا پانی ڈال کر پیسٹ بنا لیں۔ کڑاہی میں تیل گرم کر یں اور پیاز فرائی کر کے نرم کر لیں۔ آنچ دھیمی کر یں اور مرچ کی پیسٹ اور کٹی ہوئی مرچین شامل کر یں۔ سویا سوس ڈالیں اور دو سے تین منٹ پکائیں۔ آلو ڈال کر دو منٹ پکائیں۔ سبز پھلیاں اور نوڈلز ڈالیں۔ اس وقت تک پکائیں جب تک نوڈلز اچھی طرح کوٹ نہ ہو جائیں۔ دھیان رکھیں کہ آلو ٹوٹنے نہ پائیں۔ نمک اور کالی مرچ ڈالیں۔ نوڈلز تیار ہو جائیں تو انہیں سرونگ ڈش میں ڈالیں اور کٹے ہوئے آملیٹ کے ٹکڑوں اور پیاز کے چھلوں کے ساتھ آرائش کر یں۔