Behan Ki Mohabbat - Article No. 2278
بہن کی محبت - تحریر نمبر 2278
امجد سارا دن ایک کمرے میں سفیدی کرتا رہا۔شام کو وہ پورے دو سو روپے لے کر بازار گیا۔بہن کیلئے مٹھائی اور فراک خریدی اور خوشی خوشی گھر میں داخل ہوا اور رانی کو آوازیں دینے لگا۔
جمعرات 9 جون 2022
امجد کی عمر ابھی بہت کم تھی کہ اُس کے ابو کا انتقال ہو گیا۔رانی اُس کی چھوٹی بہن تھی۔امجد کی ماں دوسروں کے گھروں میں کام کاج کرکے وہ اپنا اور بچوں کا پیٹ پالتی تھی۔اُس کی خواہش تھی کہ امجد ایک بڑا افسر بنے،اس لئے وہ اُس کی تعلیم پر خصوصی توجہ دیتی تھی۔
آج امجد صبح سے ہی بہت اُداس تھا،وہ جانتا تھا کہ آج رانی کی سالگرہ ہے۔ماں برتن دھو رہی تھی کہ ننھی رانی بھاگتی ہوئی آئی اور کہا:”امی آج میری سالگرہ ہے،مجھے مٹھائی اور کھلونے چاہئے۔ماں نے پہلے تو اُسے سمجھایا کہ ہمارے پاس اتنے پیسے نہیں ہیں کہ ہم یہ فضول خرچی کریں مگر رانی نہ مانی اور رونے لگی تو ماں نے اُسے ایک تھپڑ لگاتے ہوئے کہا:”میں دوسروں کے گھروں میں کام کرکے تمہیں پڑھا رہی ہوں،مزید پیسے کہاں سے لاؤں“ یہ کہہ کر وہ رانی کو گلے لگا کر زار و قطار رونے لگی۔
(جاری ہے)
امجد یہ سب دیکھ اور سُن رہا تھا،وہ چپ چاپ اُٹھا اور گھر سے باہر نکل گیا۔اچانک اُس نے ایک فیصلہ کیا وہ سیدھا مزدوروں کی بستی میں پہنچا اور ٹھیکیدار سے کہا”صاحب!جی کوئی کام ہے تو مجھے اُس پر لگا دیں۔“
ٹھیکیدار بہت رحم دل تھا،اُس نے کہا:”بیٹا تم تو ابھی بہت چھوٹے ہو،اس سے پہلے کہ وہ اپنی بات پوری کرتا،امجد بول اُٹھا:”سر آپ کی مہربانی ہو گی،مجھے کام کی سخت ضرورت ہے۔“ٹھیکیدار نے اُس کی بات سُنی اور مان لی پھر امجد سارا دن ایک کمرے میں سفیدی کرتا رہا۔شام کو وہ پورے دو سو روپے لے کر بازار گیا۔بہن کیلئے مٹھائی اور فراک خریدی اور خوشی خوشی گھر میں داخل ہوا اور رانی کو آوازیں دینے لگا۔
ماں نے وہ چیزیں دیکھیں تو امجد کو ایک زور دار تھپڑ مارا اور بولی:”تم نے یہ چیزیں کہاں سے لیں؟کیا بھیک مانگی تھی؟“
امجد نے اپنے سفیدی سے بھرے ہاتھ ماں کے سامنے کر دیئے اور کہا:”ماں جی!میں نے بھیک نہیں مانگی بلکہ مزدوری کی تھی“ یہ سُن کر ماں نے امجد کے ہاتھ اپنی آنکھوں سے لگائے اور بولی۔
”بیٹا مجھے تم پر فخر ہے اب مجھے اُمید ہو گئی ہے کہ تم بڑے آدمی بنو گے اور دنیا میں تمہیں کوئی شکست نہیں دے سکے گا۔“
Browse More Moral Stories
ہوشیار لڑکا (پہلا حصہ)
Hoshiyar Larka - Pehla Hissa
کتا اور آئینے
Kutta Aur Aaine
بہن جیسی پڑوسن
Behan Jaisi Padosan
میری پیاری دادی جان
Meri Pyari Dadi Jaan
خواہش بادشاہ بننے کی
Khwahish Badshah Ban Nay Ki
بلاعنوان انعامی کہانی
Bilaunwan Inaami Kahani
Urdu Jokes
چالاک لڑکی
chalak larki
استاد شاگرد سے
Ustad Shagird se
مولوی صاحب
molvi sahab
شوہر
shohar
میں بھی آرام سے ہوں
mein bhi Aram se hon
شرافت
sharafat
Urdu Paheliyan
بکھر بال کمر میں پیٹی
bikhre baal kamar me peti
دنیا میں ہے ایک خزانہ
duniya mein hai ek khazana
دہلی پہنچے ڈھاکہ پنچے جا پہنچے قندھار
delhi punche dhaka punche ja punche qandhar
کوئی نہ چھین سکے اک شے
koi na cheen sake ik shay
چیز میں ہے اک بالکل بے جان
cheez me hai ek bilkul bejan
سر ہے چمٹا منہ نوکیلا
sar hi chimta munh nokeela