Qabool E Hajj - Article No. 2020
قبولِ حج - تحریر نمبر 2020
ممکن ہے تمہاری اس نیکی سے تمہیں قبولِ حج جتنا ثواب مل جائے
پیر 19 جولائی 2021
غریب سبزی فروش شوکت علی برسوں سے حج پر جانے کی تیاری کر رہا تھا۔اس نے تنکا تنکا جوڑ کر اب اتنی رقم جمع کر لی تھی کہ حج کا خرچ برداشت کر سکتا تھا۔وہ حج پر جانے کے لئے تیار تھا کہ اس نے ایک رات خواب دیکھا کہ وہ خانہ کعبہ کے قریب پہنچ چکا ہے،لیکن جوں ہی وہ خانہ کعبہ کی طرف دوڑ لگاتا ہے تو کعبے کے احاطے کا دروازہ بند ہو جاتا ہے۔یہ خواب اس نے مسلسل دو رات دیکھا۔
گاؤں کے مولوی صاحب خوابوں کی درست تعبیر بتاتے تھے۔اس نے مولوی صاحب سے اس خواب کی تعبیر پوچھی۔
مولوی صاحب نے اس سے پوچھا:”کیا تمہارے پڑوس میں کوئی بیمار ہے؟“
شوکت علی نے ذہن پر زور دے کر کہا:”ہاں،برابر والے گھر میں محمد صدیق کو ہیپاٹائٹس کا مرض ہے۔
(جاری ہے)
بیماری نے شدت اختیار کر لی ہے،وہ شہر کے کسی اسپتال میں علاج کرانا چاہتا ہے،لیکن غربت کی وجہ سے اپنا علاج کروانے سے محروم ہے۔
“مولوی صاحب نے شوکت علی سے کہا:”تمہارا حج تو تمہارے پڑوس میں ہے۔“
شوکت علی بوکھلا گیا کہ مولوی صاحب نے کیا کہا ہے۔اس نے مولوی صاحب سے پوچھا:”میرا حج میرے پڑوس میں کیا مطلب؟“
مولوی صاحب نے شوکت علی کے کندھے پر ہاتھ رکھتے ہوئے کہا:”بھائی شوکت!تمہارے لیے یہ بہتر ہے کہ تم اپنی جمع کی ہوئی رقم محمد صدیق کو دے دو،تاکہ وہ اپنا علاج کروا لے۔ممکن ہے تمہاری اس نیکی سے تمہیں قبولِ حج جتنا ثواب مل جائے۔“
شوکت علی نے خوش ہوتے ہوئے کہا:”کیا ایسا ممکن ہے؟“
مولوی صاحب نے اوپر اُنگلی اُٹھا کر کہا:”اللہ سے اُمید ہے کہ وہ تمہیں اس نیکی کا حج کے برابر ہی ثواب دے گا۔“
شوکت علی نے خوشی خوشی اپنی جمع کی ہوئی رقم محمد صدیق کو دے دی۔ایک ماہ بعد صدیق ٹھیک ہو کر گھر واپس آگیا۔ایک دن محمد صدیق نے خواب دیکھا کہ کوئی شخص کان میں کہہ رہا ہے کہ اپنے محسن شوکت علی کو بتا دو کہ اس نے جو نیکی تمہارے ساتھ کی اللہ تعالیٰ نے خوش ہو کر اس کا حج قبول کر لیا ہے۔
Browse More Moral Stories
کُند ذہن بچہ بڑا انسان بن گیا
Kund Zehen Bacha Bara Insaan Ban Giya
بہادر شہزادہ
Bahadur Shehzada
دو سہیلیاں جو راستہ بھول گئی
2 Saheliyan Jo Rasta Bhool Gayi
عزم اور حوصلہ
Aazm Our Hosla
میرا دل بدل دے
Mera Dil Badal Day
نوٹ بیتی
Note Beeti
Urdu Jokes
ملا نصیرالدیں
mullah naseer ud din
استاد شاگرد سے
Ustaad shagird se
پپو
pappu
گرم یا ٹھنڈا
garam ya thanda
طوطے کی نیلامی
Totai ki neelami
بہت بڑا دھوکا
bohat bara dhoka
Urdu Paheliyan
ایک خزانہ پانے والا
ek khazana pane wala
زباں لٹکا کے ہی باہر وہ
zuban latka ke hi bahr wo har bat kehti hy
اس رانی کے کیا ہی کہنے
us rani ke kya hai kehne
آندھی ہو یا تیز ہوا
aandhi ho ya taiz hawa
مخمل کے پردے خوشبو کا گھر
makhmal ke parde khushboo ka ghar
بھاگا بھاگا نیچے جائے
bhaga bhaga neeche jaye