Shararti Reech - Article No. 2455
شرارتی ریچھ - تحریر نمبر 2455
اگر تم زیادہ شرارتیں کرو گے تو تم کو آسمانی بستی سے نکال دیا جائے گا
جمعرات 9 فروری 2023
لاکھوں برس گزرے۔آسمان پر شمال کی طرف سفید بادلوں کے پہاڑ کے ایک بڑے غار میں ایک بہت بڑا ریچھ رہا کرتا تھا۔یہ ریچھ دن بھر پڑا سوتا رہتا اور شام کے وقت اُٹھ کر ستاروں کو چھیڑتا اور ان سے شرارتیں کیا کرتا تھا۔اس کی بدتمیزیوں اور شرارتوں سے آسمان پر بسنے والے تنگ آ گئے تھے۔کبھی تو وہ کسی ننھے سے ستارے کو گیند کی طرح لڑھکا دیتا اور وہ ستارہ قلابازیاں کھاتا دنیا میں آ گرتا یا کبھی وہ انہیں اپنی اصلی جگہ سے ہٹا دیتا۔اور وہ بیچارے اِدھر اُدھر بھٹکتے پھرتے۔آخر ایک دن تنگ آ کر وہ سات ستارے جنہیں سات بہنیں کہتے ہیں۔چاند کے عقلمند بوڑھے آدمی کے پاس گئے اور ریچھ کی شرارتوں کا ذکر کر کے اس سے مدد چاہی۔بوڑھا تھوڑی دیر تو سر کھجاتا رہا۔
(جاری ہے)
پھر بولا ”اچھا میں اس نامعقول کی خوب مرمت کروں گا۔تم فکر نہ کرو“۔ساتوں بہنوں نے اس کا شکریہ ادا کیا۔اور خوشی خوشی واپس چلی گئیں۔
دوسرے دن چاند کے بوڑھے نے ریچھ کو اپنے قریب بلا کر خوب ڈانٹا اور کہا کہ ”اگر تم زیادہ شرارتیں کرو گے تو تم کو آسمانی بستی سے نکال دیا جائے گا۔کیا تمہیں معلوم نہیں کہ ان ننھے منے ستاروں کی روشنی سے دنیا میں انسان اور جہاز اپنا اپنا راستہ دیکھتے ہیں لیکن تم انہیں روز کھیل کھیل میں ختم کر دیتے ہو۔تمہیں یہ بھی معلوم نہیں کہ جب یہ ستارے اپنی اصلی جگہ پر نہیں رہتے تو دنیا کے مسافر اور جہاز رستہ بھول جاتے ہیں۔
میاں ریچھ نے اس کان سنا اور اُس کان نکال دیا اور قہقہہ مار کے بولا ”میں نے کیا دنیا کے جہازوں اور مسافروں کی روشنی کا ٹھیکہ لے لیا ہے جو ان کی فکر کروں۔
یہ کہہ کر ریچھ چلا گیا۔جانے کے بعد بوڑھے نے بہت دیر سوچا کہ اس شیطان کو کس طرح قابو میں لاؤں ۔یکا یک اسے خیال آیا کہ اورین دیو سے مدد لینی چاہئے۔اورین دیو ایک طاقتور ستارے کا نام تھا۔جو اس زمانے میں بہت اچھا شکاری سمجھا جاتا تھا اور اس کی طاقت کی وجہ سے اسے دیو کہتے تھے۔یہ سوچ کر بوڑھے نے دوسرے دن اورین دیو کو بلاوا بھیجا۔اس کے آنے پر بڑی دیر تک دونوں میں کانا پھوسی ہوتی رہی۔آخر یہ فیصلہ ہوا کہ وہ آج شام ریچھ کو پکڑنے کی کوشش کرے۔چنانچہ رات گئے اورین دیو نے شیر کی کھال پہنی اور ریچھ کے غار کی طرف چلا۔جب ریچھ نے ایک بہت بڑے شیر کو اپنی طرف آتے دیکھا تو اس کے اوسان خطا ہو گئے اور وہ ننھے منے ستاروں سے بنی ہوئی اس سڑک پر جو پریوں کے ملک کو جاتی ہے اور جسے ہم کہکشاں کہتے ہیں،بے تحاشا بھاگا۔
آخر بڑی دوڑ دھوپ کے بعد طاقتور شکاری نے میاں ریچھ کو آ لیا اور ان کو پکڑ کر آسمان پر ایک جگہ قید کر دیا۔جہاں وہ اب تک بندھے کھڑے ہیں۔اگر تم رات کو قطب ستارے کی طرف دیکھو تو تمہیں اس کے پاس ہی ریچھ بندھا نظر آئے گا۔جس کو ان سات بہنوں میں سب چار پکڑے کھڑی ہیں باقی تین بہنوں نے اس کی دم پکڑ رکھی ہے۔اگر تم آسمان پر نظر دوڑاؤ تو تمہیں اورین دیو بھی تیرو کمان لئے ریچھ کی طرف نشانہ لگائے کھڑا نظر آئے گا۔
Browse More Moral Stories
شکاری اور خرگوش
Shikari Aur Khargosh
ننھا مجاہد
Nanha Mujahid
دنیا کے چند ذہین ترین جانور
Dunya K Chaand Zaheen Tareen Janwar
کچی بستی
Kachi Basti
مُنّا میرا دوست
Munna Mera Dost
پیاری چڑیا
Piyari Chirya
Urdu Jokes
ایک ڈاکو
aik daku
پانچ ہزار روپے
5 hazar rupee
اشتہار
ishtar
چھری کانٹا
churi kanta
بیگم
Begum
استاد شاگرد سے
Ustaad shagird se
Urdu Paheliyan
تن کو اپنے آگ لگا کر
tun ko apne aag laga kar
دیکھی ہے اک ایسی رانی
dekhi hai aik esi raani
جنت میں جانے کا حیلہ
jannat mein jaane ka hela
جس کے پاؤں کے نیچے آئے
jis k paon ke neeche ae
اک شے سب کی دیکھی بھالی
ek shay sab ki dekhi bhali
فٹ بھر ہے اس کی لمبائی
fut bhar he uski lambai