
Sher Aur Chooha - Article No. 1391
شیر اور چوہا۔۔تحریر:ابوعبدالقدوس محمد یحییٰ
پھر تاریخ اپنے آپ کودہراتی ہے۔ وہ شیر بھی کسی شکاری کے جال میں پھنس جاتاہے۔شیر فوراً واٹس ایپ کال کرکے چوہے کوبلاتا ہے کہ دوست آج دوستی کا حق ادا کرو۔تمہیں خبر نہیں کہ میں مصیبت میں گرفتا ہوں
جمعہ 26 اپریل 2019

(جاری ہے)
ماضی میں آئینہ دیکھنے والوں کی جناب نظامرامپوری صاحب نے کیا خوب عکاسی کی ہے۔
بہرکیف اس چوہے نے سوچا کہ کیاتصاویرآئیں گے۔کیسا اچھوتامنظرہوگاچوہا شیر پرسوارہے۔یہ تصویریں تو ہِٹ ہوجائیں گی کہ ایک چوہا شیرپرسوار ہے۔ کیا ہی بہادر اورجرات مند چوہاہے۔وہ جھٹ پٹ اس پر سوارہو گیا اور ادھر ادھر مختلف زاویوں سے سیلفیاں لینے لگا۔ اس کی دھماچوکڑی سے شیر بادشاہ کی آنکھ کھل گئی۔ اس نے جھٹ چوہے کو اپنے مضبوط پنچہ میں دبوچ لیا۔ چوہا فورا بولا بادشاہ سلامت آپ نے کہیں کہانی ضرور پڑھی ہوگی کہ ایک دفعہ ماضی میں بھی ایسے ہی ایک چوہا شیر کے اوپر اچھل کود کررہا تھا۔ شیر نے جب اسے دبوچ لیا تو اس نے فورا شیر سے عرض کیا۔عالی جان اگرچہ جسم میں چھوٹا اور ناتواں ہوں لیکن ایک مخلص دوست کی حیثیت سے کہتا ہوں کہ جب آپ کو میری ضرورت پڑی میں آپ کے کام آوٴں گا۔اس کے بعد کی کہانی تو آپ کو معلوم ہوگی کہ وہاں ایک شکاری آتا ہے جو شیر کو اپنے جال میں جکڑلیتا ہے اس جال سے وہی چوہا شیر کو نجات دلاتا ہے۔بہرکیف آگے آپ کی مرضی ہے۔شیر اس کی چکنی چپڑی باتوں میں آجاتاہے۔ اورہنس کرکہتا ہے کہ کیا پدی کیا پدی کا شوربہ۔ لیکن پھر بھی میں تمھیں چھوڑ رہاہوں۔ پھر تاریخ اپنے آپ کودہراتی ہے۔ وہ شیر بھی کسی شکاری کے جال میں پھنس جاتاہے۔شیر فوراً واٹس ایپ کال کرکے چوہے کوبلاتا ہے کہ دوست آج دوستی کا حق ادا کرو۔تمہیں خبر نہیں کہ میں مصیبت میں گرفتا ہوں۔ چوہا فوراً وہاں پہنچتا ہے اورا یک جانب سے جال کترنے لگتا ہے۔ لیکن یہ کیا اس سے جال کاٹا ہی نہیں جارہا تھا۔جال کے تار باریک لیکن بہت مضبوط اور الجھانے والے تھے۔ ادھر ناقص غذائیں کھا کھا کر اس کے دانت قدریخراب ہوچکے تھے جو پہلے سے بھی انتہائی مضبوط اوردیدہ زیب جال کو نہ کاٹ سکے۔اب وہ جال اس کے اپنے دانتوں میں ایسے الجھ گیا کہ وہ خود کو بھی نہ چھڑا پارہاتھا۔اتنے میں شکاری آتاہے۔ اور فوراً اسے پکڑ کر ماردیتا ہے۔ کہ تو ہی وہ چوہا تھا جس نے پہلے بھی ایک شیر کوشکاری کے جال سے چھڑایاتھا۔ چوہا مرتے مرتے یہ سوچ رہا تھا کہ یہ میرے دشمنوں کی سازش ہے انہوں نے واٹس ایپ بنادیا۔اگر وہ یہ نہ بناتے تو آج میں یوں مارا نہ جاتا۔ حاصل کلام:#بادشاہوں (امراء)کا قرب کئی اعتبار سے خطرناک ہے۔وہ اگرچہ کچھ نہ کہیں ان کے دشمن بھی (جانے،انجانے میں) آپ کی جان لے سکتے ہیں۔ #بعض اوقات سیلفی کے شوقین خود کو انتہائی مصیبت بلکہ ہلاکت میں ڈال لیتے ہیں اس سے احتیاط بہتر ہے۔جیسا کہ چوہا اپنی کمزوریوں سے آگاہ ہی نہیں تھا لہذا شیر کو کیا بچاتا اپنی جان سے بھی ہاتھ دھوبیٹھا۔ #اپنی طاقت و توانائی کے مطابق کام ہاتھ میں لینا چاہئے اس کے برعکس تباہی و بربادی ہے۔ #اچھل کود اورگھمنڈ سے مسائل حل نہیں ہوتے اس کے لئے بہتر تدبیر وحکمت عملی ضروری ہے۔ #ہلاکت وتباہی کے بعد دوسروں پر الزام تراشی سے کچھ حاصل نہ ہوگا۔مزید اخلاقی کہانیاں

کوشش
Koshish

لالچی سوداگر
Lalchi Sodagar

مچھلی
Machli

شہزادی اور لکڑہارا۔۔تحریر:مختار احمد
Shehzadi Aur Lakar-hara

سستا سودا
Saasta Sooda

طہارت نصف ایمان
Taharat Nisf Imaan

دادا ابو
Dada Abu
حوصلہ
Hosila

اخلاق کے کرشمے
Akhlaq Kay Karishmay

ہاتھی کی سائیکل
Hathi Ki Cycle

میرا پاکستان
Mera Pakistan

کتنی چلی سائیکل
Kitni Chali Cycle
Your Thoughts and Comments
مزید مضامین
-
نیا کھیل
Naya Kheel
-
کسان کا باگڑ بلا
Kissan ka Bagar Billa
-
جھوٹ نہ بولنا کبھی
Jhoot Na Bolna Kabhi
-
بچوں کی ہر فرمائش پوری نہ کی جائے!
bachon ki har farmaaish poori nah ki jaye
-
بچوں کے ساتھ کھیل کود میں حصہ لیجیے
Bachoon K Saath Khel Kood Main Hissa Lijye
-
مزح بخیر
Mazah Bakhair
-
ماہ صیام آیا خوشیوں کا پیغام لایا
Mah e Sayyam Aya Khushiyon Ka Paigham Laya
-
عید الاضحی
EID Ul Adha
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2022, UrduPoint Network
All rights of the publication are reserved by UrduPoint.com. Reproduction without proper consent is not allowed.