Apps To Record Your Android Phone Screen

سکرین ریکارڈنگ کے لیے اینڈروئیڈ ایپلی کیشن

آج کل سمارٹ فون میں سکرین شاٹ لینا اور سکرین کی ریکارڈنگ کرنا کافی عام ہے۔اینڈروئیڈ کے نئے ورژنز میں تو سکرین ریکارڈنگ کا فیچر بلٹ ان ہوتا ہے مگر پرانے ورژنز میں ایسا کچھ نہیں۔ تاہم جس طرح کمپیوٹرز کے لیے سکرین ریکارڈنگ سافٹ وئیرز ہیں، ویسے ہی اینڈروئیڈ کے لیے بھی بہت سی سکرین ریکارڈنگ ایپلی کیشنز ہیں، جن میں سے بعض تو اینڈروئیڈ کے بلٹ ان فیچر سے زیادہ بہتر کام کرتی ہیں۔

ذیل میں سکرین ریکارڈنگ کے لیے چند بہترین ایپلی کیشنز کے نام دئیے جا رہے ہیں۔

اے زیڈ سکرین ریکارڈر(AZ Screen Recorder)
یہ ایپلی کیشن اینڈروئیڈ لولی پاپ اور اس کے بعد کے ورژن کے لیے ڈیزائن کی گئ ہے۔ صارفین اس ایپلی کیشن سے بغیر واٹر مارک یا اشتہارات کے لامحدود ویڈیو ریکارڈ کر سکتے ہیں۔

(جاری ہے)

پلے سٹور سے اس ایپلی کیشن کو ڈاؤن لوڈ کرنے کے لیے یہاں کلک کریں۔

ایلوس سکرین ریکارڈ(Ilos Screen Recorder)
یہ ایپلی کیشن بھی اینڈروئیڈ لولی پاپ اور بعد کے ورژنز کے لیے ہے۔

اس کے بیسک ورژن میں سادہ فنکشنز کو اشتہارات، ٹائم کی حد اور واٹر مارک کی پابندی کے بغیر استعمال کیا جا سکتا ہے۔ اس ایپ میں مائیکروفون کے ذریعے آڈیو بھی ریکارڈ کی جا سکتی۔ اس کا ایک ایڈوانس پروفیشنل ورژن بھی ہے، جسے ادائیگی کے بعد استعمال کیا جا سکتا ہے۔

اس ایپلی کیشن کو ڈاؤن لوڈ کرنے کے لیے یہاں کلک کریں۔

شوو(Shou)
اس ایپلی کیشن کو گیم کھیلنے والے شائقین کو مد نظر رکھ کر بنایا گیا ہے۔

یہ ایپلی کیشن بھی اینڈروئیڈ لولی پاپ اور بعد کے ورژنز کے لیے ہے۔
اس ایپلی کیشن کو ڈاؤن لوڈ کرنے کے لیے یہاں کلک کریں۔

ٹیلی سائن(Telecine)
یہ ایپلی کیشن بھی اینڈروئیڈ 5.0 اور ابعد کے ورژن کے لیے ہے۔

یہ ایپلی کیشن اوپن سورس بھی ہے۔ اس سادہ ترین ایپلی کیشن میں ویڈیو پر واٹر مارک بھی نہیں بنتا۔ اس ایپلی کیشن کو ڈاؤن لوڈ کرنے کے لیے یہاں کلک کریں۔

موبی زن(Mobizen)
موبی زن اینڈروئیڈ کٹ کیٹ اور اس سے پہلے کے ورژنز کے لیے ہے۔

اس مفت ایپلی کیشن میں وہ بہت سے فیچرز تو نہیں جو دوسری ایپلی کیشنز میں ہیں تاہم اس سے آپ اپنے کمپیوٹر کی مدد سے میسیجز بھیج سکتے ہیں، فائلیں ٹرانسفر کر سکتے ہیں اورموبائل کیمرے کو اپنی کمپیوٹر سکرین پر سٹریم بھی کر سکتے ہیں۔

پلے سٹور سے اس ایپلی کیشن کو ڈاؤن لوڈ کرنے کے لیے یہاں کلک کریں۔
اس ایپلی کیشن کا ایک ورژن سام سنگ کے سمارٹ فونز کے لیے بھی ہے، جسے یہاں کلک کر کے ڈاؤن لوڈ کیاجا سکتا ہے۔