Block spam text with the new Truemessenger app

ٹرو کالرکے بعد پیش ہے ٹرو میسنجر

ٹروکالر ایپلی کیشن سے کون واقف نہیں۔ ٹروکالر کی مدد سے کسی بھی نمبر سے آنے والی کال کے بارے میں پتہ چل جاتا ہے کہ کال کون کر رہا ہے۔ٹرو کالر کے ڈیٹا بیس میں کروڑوں فون نمبر محفوظ ہیں، جیسے ہی کہیں سے کال آتی ہے، ٹرو کالر ایپلی کیشن اپنے ڈیٹا بیس سے چیک کر کے کال کرنے والے کا نام ظاہر کر دیتا ہے۔

اب یہ ایپلی کیشن ایس ایم ایس کے لیے بھی دستیاب ہے۔ ایس ایم ایس کے لیے یہ ٹرومیسنجر (True Messenger) کے نام سے دستیاب ہے۔اس ایپلی کیشن سے غیر محفوظ شدہ نمبروں سے آنے والے پیغامات کے بارے میں بھی پتہ چل جاتا ہے کہ کس کا ایس ایم ایس ہے۔

اس ایپلی کیشن سے سپام ایس ایم ایس بلاک کیے جا سکتے ہیں، ایپلی کیشن کے ڈیٹا بیس میں سپام نمبر بھی شامل ہیں۔ اُن نمبروں سے آنے والے ایس ایم ایس خودبخود بھی بلاک ہو جاتےہیں۔

(جاری ہے)

ٹرو میسنجر بلاک کیے ہوئے ایس ایم ایس کو ایک فولڈر میں منتقل کر دیتا ہے، اس لیے اس بات کا احتمال نہیں کہ آپ کو کوئی اہم ایس ایم ایس نہ ملے۔

صارفین کے لیے ایک سہولت یہ بھی ہے کہ وہ اپنی مرضی سے الفاظ، ملک کے کوڈ یا مخصوص نمبروں پر مشتمل ایس ایم ایس کو بلاک کرنے کا فلٹر بنا سکتے ہیں۔
یار رہے کہ ٹرو کالر پر سب سے بڑا اعتراض یہ کیا جاتا ہے کہ یہ اپنے صارفین کے رابطہ نمبروں کو اپنے سرورز پر محفوظ کر کے اپنا ڈیٹا بیس بڑھا رہا ہے، اس لیے جب بھی ٹروکالر یا ٹرو میسنجر رابطہ نمبر ظاہر کرتے ہیں، وہ اس شکل میں ہوتا ہے جیسے اکثر صارفین اپنے موبائل میں یادداشت کے لیے محفوظ کرتے ہیں۔

اینڈریوڈ صارفین اس ایپلی کیشن کو ڈاؤن لوڈ کرنے کے لیے یہاں کلک کریں