Full specs leak for upcoming Samsung Galaxy S6 Active

سام سنگ گلیکسی ایس 6 ایکٹیو کی تفصیلات

سام سنگ نے ابھی تک سام سنگ گلیکسی ایس 6 ایکٹو(Samsung Galaxy S6 Active) کا باقاعدہ اعلان نہیں کیا۔اس کے بارے میں سب سے پہلی معلومات اس کے ماڈل نمبر ایس ایم-جی 890 کے حوالے سے سامنے آئیں۔ پھر پتہ چلا کہ اس کا سکرین سائز 5.5 انچ ہوگا۔ نئی اطلاعات یا افواہوں نے تو اس سمارٹ فون کی تمام معلومات ہی دے دی ہیں۔

پچھلی اطلاعات کے برعکس اس سمارٹ فون کی سکرین 5.1 انچ کیو ایچ ڈی (2,560x1,440) کی ہوگی ۔یہ سمارٹ فون گلیکسی ایس 5 ایکٹو(تصویر اوپر) کا جانشین ہوگا۔ اس میں وہی ہارڈ وئیر لگا ہو گا جو سام سنگ گلیکسی ایس 6 اور سام سنگ گلیکسی ایس 6 ایج میں ہے۔

اس کا پراسیسر اگزینوس 7420 ایس او سی ہو گا۔ اس میں ریم 3 جی بی کی جبکہ سٹوریج 32 جی بی ہو گی۔ رئیر کیمرہ 16 میگا پکسل اور فرنٹ 5 میگا پکسل ہوگا۔

(جاری ہے)

اس سمارٹ فون کی بیٹری کافی دھانسو ہوگی۔ اس میں 3500 ایم اے ایچ کی بیٹری لگائی گئی ہے۔

جو گلیکسی نوٹ 4 فیبلٹ سے بھی زیادہ ہے۔بڑی بیٹر کی وجہ سے اس کا سائز سام سنگ گلیکسی ایس 6 سے بڑا ہوگا۔ اسکا سائز 143.4 x 70.5 x 6.8ملی میٹر کے مقابلے میں 146.9 x 73.6 x 8.8ملی میٹر ہوگا۔گلیکسی ایس 6 ایکٹیو کے بارے میں یہ بھی کہا جا رہا ہے کہ اس کی بیٹری ریموایبل ہو گی اور اس میں مائیکرو ایس ڈی کارڈ سلاٹ کی سپورٹ بھی شامل ہوگی ۔

سام سنگ گلیکسی ایس 6 ایکٹیوکے ماڈل نمبر SM-G890A کو اے ٹی اینڈ ٹی فروخت کرے گا۔ نئے آنے والے ماڈل کا نمبر SM-G890x ہو گا۔ آخری حرف کی جگہ علاقے یا کیرئر کی بنیاد پر دوسرا لفظ شامل ہو گا۔