Haier Reveals Its First Android Smartwatch

ہائرنے پہلی اینڈروئیڈ سمارٹ واچ متعارف کرا دی

موبائل ورلڈ کانگرس 2016 میں ہائر نے اپنی پہلی اینڈروئیڈ سمارٹ واچ متعارف کرا دی ہے۔ میٹل باڈی ہائر واچ کی قیمت اپنے مقابلے میں موجود دوسری سمارٹ واچز کی نسبت کافی کم ہے۔
ہائر واچ کی سکرین 1.4 انچ ہے جبکہ سکرین ریزولوشن 400بائی 400 ہے۔

اس سمارٹ واچ کے سٹین لیس سٹیل کا قطر 42 ملی میٹر ہے۔ بہت سے تبدیل ہوجانے والے سٹریپ کے ساتھ یہ سمارٹ واچ گولڈ، سلور اور سیاہ رنگوں میں دستیاب ہوگی ۔
ہائر واچ میں 1 جی بی ریم اور 8 جی بی سٹوریج ہے۔ آپریٹنگ سسٹم اینڈروئیڈ وئیر کی بجائے اینڈروئیڈ مارش میلو ہے۔

یہ سمارٹ واچ پلے سٹور کی ایپ کو بھی سپورٹ کرتی ہے اور اس میں اپنی بھی کئی فٹنس ایپلی کیشنز موجود ہیں۔ یہ سمارٹ واچ صارف کی مختلف فٹنس کی سرگرمیوں کو شناخت کر سکتی ہے۔

(جاری ہے)

اس سمارٹ واچ میں دل کی دھڑکن کی رفتار بتانے والا سنسر، مائیکروفون، سپیکر اور جی پی ایس بھی ہیں یعنی اس سمارٹ واچ سے صارفین فون کالز بھی کر سکتے ہیں۔

اس سمارٹ واچ کو بلوٹوتھ کے ذریعے سمارٹ فون سے بھی کنکٹ کیا جا سکتا ہے۔بلوٹوتھ کے علاوہ اس میں وائی فائی، این ایف سی یا ایل ٹی ای کنکٹیویٹی کی سپورٹ بھی ہے۔آئی پی 56 سرٹیفائیڈ یہ سمارٹ واچ ڈسٹ اور واٹر پروف بھی ہے۔ اس کے سافٹ وئیر میں کمپنی نے فائنڈ مائی فون فیچر بھی شامل کیا ہے۔

اس سمارٹ واچ کی قیمت 200ڈالر ہے۔ اسے اپریل میں فروخت کے لیے پیش کیا جائےگا۔ ہائر واچ کے علاوہ کمپنی نے بچوں کی ٹریکنگ کے لیے بھی ایک گھڑی متعارف کرائی ہے، جس میں ملٹی میڈیا اور فٹنس فیچرز بھی ہیں۔