PANASONIC NEW LUMIX CAMERA IS MADE FOR SELFIES

پینا سونک لومکس(LUMIX) کیمرہ

پینا سونک نے سیلفی شائقین کے لیےنیا Lumix DMC-GF8 کیمرہ متعارف کرا دیا ہے۔ یہ کیمرہ خاص طور پر سیلفی کے شائقین کے لیےبنایا گیا ہے۔
16 میگا پکسل کے اس کیمرے میں 3 انچ کی ٹچ سکرین اور انٹرچینج ایبل لینز لگے ہوئے ہیں۔ ٹچ سکرین کو 180 کے زاویے پر گھما کر سیلفی لی جا سکتی ہیں۔

اس کے پاور فل لینز تصویر کو سمارٹ فون سے زیادہ واضح کر کے دکھاتے ہیں۔پینا سونک نے اس کیمرے میں بیوٹی ری ٹچ(Beauty Retouch) موڈ بھی شامل کیا ہے۔ اس موڈ میں صارفین اپنی سکن کو سوفٹ ، چہرے کو سلم کرنےکے ساتھ ساتھ فاؤنڈیشن، ہونٹ اور بھنووں وغیرہ کا رنگ بھی تبدیل کر سکتے ہیں۔

سیلفی لینے کے لیے اس کیمرے میں دو موڈ ہیں۔ Face Shutter موڈ میں جب آپ کیمرے کےسامنے اپنا ہاتھ ہلائیں گے تو تصویر بن جائے گی اور Buddy Shutter موڈ میں اس وقت تصویر بنے گی جب کیمرے کے سامنے دو چہرے ہونگے۔

(جاری ہے)

کیمرے کے بٹن کو دائیں اور بائیں طرف سوئچ کیا جا سکتا ہے، اس طرح بائیں ہاتھ سے کام کرنے والے بھی اس کیمرے کو باآسانی استعمال کر سکیں گے۔

جی ایف 8 صرف سیلفی کیمرہ ہی نہیں، پینا سونک لائٹ سپیڈ آٹو فوکس کی بدولت یہAVCHD میں 1080p ایچ ڈی یا سٹیریو ساؤنڈ میں MP4ویڈیو بنا سکتا ہے۔ویڈیو میں سینما سٹائل شامل کرنےکےلیےیہ 1080/24p ریکارڈنگ کو سپورٹ کرتا ہے۔
یہ کیمرے ٹائم لیپس اور سٹاپ موشن اینی میشن بھی بنا سکتا ہے۔

دوسرے کامپیکٹ کیمروں کی طرح جی ایف 8 میں بھی وائی فائی سپورٹ ہے۔ کیمرے کی ایپلی کیشن سے اس کا فوکس، آئی ایس او، شٹر سپیڈ، اپرچر استعمال کرنے کے ساتھ گیلری کو بھی پلے بیک کیا جا سکتا ہے۔
یہ کیمرا بھورے، سلور، گلابی اور اورنج رنگوں میں دستیاب ہوگا۔ پیناسونک نے اس کی دستیابی اور قیمت کی معلومات ظاہر نہیں کیں۔