Prisma is now available to everyone on Android

پرزما اب اینڈروئیڈ صارفین کے لیے بھی دستیاب

پرزماایپلی کیشن سے ، جسے پہلے آئی او ایس کے لیے متعارف کرایا گیا تھا، اب اینڈروئیڈ صارفین کےلیے بھی دستیاب ہے۔ یعنی آپ کو اینڈروئیڈ پر پرزما انسٹال کرنے کے لیے کسی بیٹا ورژن یا دعوت نامے کی ضرورت نہیں، اینڈاروئیڈ صارفین اسے براہ راست پلے سٹور سے ڈاؤن لوڈ کر سکتے ہیں۔

یہ ایپلی کیشن پلے سٹور پر 5دن تک بیٹا ورژن کی صورت میں موجود رہی۔ جس کے بعد اس کا فائنل ورژن متعارف کرا دیا گیا۔
پرزما ایپلی کیشن سے تصاویر کو نت نئے رنگ دئیے جا سکتے ہیں، تصاویر کو ڈرائنگ اور آرٹ کے نمونوں میں بدلا جا سکتا ہے۔

یہ ایپلی کیشن ایک سادہ الگورتھم سے تصاویر کو ایسا بنا دیتی ہے، جیسے انہیں ہاتھوں سے بنایا گیا ہے۔
پرزما کے شریک بانی نے ایپلی کیشن کے حوالے سے کچھ اعداد و شمار بھی پیش کیے ہیں، جن کے مطابق
• اب تک 40کروڑ تصاویر کو ایپلی کیشن میں پراسس کیا جا چکا ہے۔

(جاری ہے)

•    آئی او ایس پر اسے 10.6 ملین بار ڈاؤن لوڈ کیا جا چکاہے۔
•    اس کے روزانہ فعال صارفین کی تعداد 1.55 ملین ہے۔
•    اس ایپلی کیشن کو ایک دن میں زیادہ سے زیادہ 7لاکھ بار بھی ڈاؤن لوڈ کیا جا چکاہے۔
اینڈروئیڈ ایپلی کیشن میں آئی اوایس ایپ والے تمام فیچرز موجود ہیں۔

نئی تصاویر یا گیلری میں موجود تصاویر کی سپورٹ کے علاوہ ایپ میں 30 سے زیادہ فلٹرز ہیں۔جلد ہی پرزما میں ویڈیو اور لائیو ویڈیو سپورٹ بھی شامل کی جائے گی۔
آئی او ایس صارفین پریزما کو انسٹال کرنے کےلیے یہاں کلک کریں۔
اینڈروئیڈ صارفین ایپلی کیشن انسٹال کرنے کے لیے یہاں کلک کریں۔