PTA Announces the Date of 3G and 4G Auction

تھری جی اور فور جی لائسنس کی نیلامی کی تاریخ اور سپیڈ کااعلان کردیا گیا

پی ٹی اے کی جانب سے بالآخر فور جی اور تھری جی کے لائسنس کے اجرا کی تاریخوں کا اعلان کر دیا گیا ہے۔ اور لائسنس کی قیمت اور صارفین کو دی جانے والی سپیڈ کی تفصیلات بھی جاری کر دی گئی ہیں۔
فور جی اور تھری جی کے لائسنس کی نیلامی 7اپریل 2014کو ہوگی۔

اور تھری جی کے لائسنس کی قیمت 295ملین ڈالر رکھی گئی ہے، اور فورجی لائسنس کی قیمت 210ملین ڈالر رکھی گئی ہے۔اور یہ لائسنس 15سال کیلئے کارآمد ہوگا۔
موجودہ موبائل کمپنیوں کے علاوہ اگر کوئی نئی کمپنی سرمایہ کاری کرنا چاہتی ہےتو اُسے پہلے جی ایس ایم کا لائسنس بھی لینا ہوگا جسکی قیمت 291ملین ڈالر ہے۔

پی ٹی اے کی طرف سے تمام ٹیلی کام آپریٹرز جو اس نیلامی میں حصہ لینا چاہتے ہیں کو 25 مارچ تک اپنی درخواستیں بھجوانے کی ہدایات جاری کی گئی ہیں۔

(جاری ہے)

کوریج کے بارے میں ہدایات
لائسنس کی شرائط میں درج ہے کہ آپریٹر کو تھری جی سروسز لاہور، کراچی، اسلام آباد، پشاور ، کوئٹہ اور دس دیگر شہروں میں اگلے چھ ماہ تک لازمی شروع کرنا ہوں گی۔

یہ دس دیگر شہر کوئی بھی ہو سکتے ہیں، لیکن ہر صوبے سے کم از کم ایک شہر لازمی منتخب کرنا ہوگا۔
اسکے علاوہ اگلے ڈیڑھ سال تک پاکستان کے 80 فیصد شہروں کوریج کو لازمی کرنا ہوگا۔

انٹرنیٹ کی رفتار
- تھری جی آپرٹرز کیلئے لازمی ہوگا کہ وہ کم از کم 512Kbps کی سپیڈ صارفین کو فراہم کریں گے۔

- فور جی آپریٹرز کیلئے لازمی ہوگا کہ وہ کم از کم 2Mpbs سپیڈ صارفین کو فراہم کریں گے۔

جیسا کہ ہم پہلے بھی بتا چکے ہیں کہ تھری جی اور فور جی کے لائسنس کے اجرا کی خبر آتے ساتھ ہی موبائل انڈسٹری اور صارفین میں خوشی کی ایک لہر دوڑ گئی ہے۔ اور موبائل آپریٹرز کوشش میں ہیں کہ لائسنس کے اجرا سے قبل ہی اپنا سسٹم اور ٹیکنالوجی درست کرلیں تاکہ دو ہفتوں کے درمیان ہی صارفین کو تیز ترین انٹرنیٹ فراہم کرنے میں کامیاب ہو جائیں۔