Scientists create E skin

سائنسدانوں نے برقی جلد(ای سکن) تیار کر لی

جاپان کے سائنسدانوں نے ایک حیرت انگیز برقی جلد بنائی ہے، جس سے انسان چلتے پھرتے سمارٹ فونز میں تبدیل ہوجائیں گے۔ اس ای سکن کو دل کی دھڑکن کی رفتار کی ٹریکنگ اور انسانی صحت کو مانیٹر کرنے کے کام میں لایا جائے گا۔ ای سکن کے عام ہونے سے فٹنس ایپلی کیشن اور آلات بے کار ہوجائیں گے۔

اس سمارٹ سکن کو بنانے والے سائنسدانوں کا کہنا ہے کہ اس ایجاد کو خون میں آکسیجن کا لیول، دل کی دھڑکن اور دوسری جسمانی کارکردگی مانیٹر کرنے کے لیے استعمال کیا جا سکتا ہے۔
یونیورسٹی آف ٹوکیو کے سائنسدانوں کے مطابق یہ ای سکن بہت زیادہ پتلی اور بہت زیادہ لچکدار ہے ۔

اس میں حفاظتی تہیں بھی ہیں۔
اس ای سکن کا استعمال بھی بہت آسان ہے۔ اسے بس اپنی جلد کے اوپر رکھیں اور یہ آپ کو آپ کی صحت کے متعلق معلومات دینا شروع کر دے گی۔

(جاری ہے)

سائنسدانوں نے اس میں پولیمر لائٹ ایمیٹنگ(light-emitting)ڈائیوڈ اور آرگانک فوٹو ڈیٹیکٹر استعمال کیے ہیں۔

یہ بہت پتلے اور لچکدار ہیں۔ اس لیے یہ آسانی سےای سکن کے ساتھ جڑ جاتے ہیں اور جسم کی ہر حرکت پر ردعمل دیتے ہیں۔ ان آلات کی حفاظت کے لیے ایک ہائی کوالٹی حفاظتی فلم استعمال کی گئی ہے، جس کی موٹائی 2 مائیکرو میٹر سے بھی کم ہے۔
اس وقت اس ای سکن کی عمر اتنی زیادہ نہیں۔ یہ چند گھنٹوں میں ہی خراب ہوجاتی ہے۔ سائنسدان اس کی عمر بڑھانے پر بھی کام کر رہے ہیں۔