Ufone launches free 3G trials in ten more cities

یوفون کی جانب سےمزید دس شہروں میں مفت تھری جی ٹرائل کاآغاز

یوفون مستقل طور اس کوشش میں لگا ہوا ہے کہ اسکی تھری جی سروس زیادہ سے زیادہ مقامات پر دستیاب ہو۔اب یوفون نے مزید شہروں میں یوفون فری تھری جی ٹرائل متعارف کرایا ہے۔ شیخوپورہ، ڈیرہ غازی خان، بہاولپور، گجرات اور سکھر کے یوفون صارفین31 جنوری 2015 تک یوفون کی فری تھری جی ٹرائل سروس سے مستفید ہو سکتے ہیں۔

یوفون کی یہ مفت تھری جی ٹرائل پیشکش پری پیڈاور پوسٹ پیڈ دونوں طرح کے صارفین کے لیے دستیاب ہے۔ڈیٹا کے ڈاؤن لوڈ کرنے پر کوئی پابندی نہیں، لامحدودڈیٹا ڈاؤن لوڈکیا جا سکتا ہے۔تھری جی سروس کی دستیابی کے لیے اپنے موبائل سے *3344#ڈائل کریں۔

اس کے بعد آپ کے تھری جی ان ایبل فونز میں یہ سروس خودکار طور پرموبائل ڈیٹا نیٹ ورک ایکٹیویٹ کرنے سے شروع ہو جائے گی۔

(جاری ہے)

یوفون کے اس اقدام کا مقصد صارفین میں یوفون کی تھری جی سروس کو متعارف کرانا ہےجس سے صارفین اپنے سمارٹ فون اور تھری جی سروس سے بھرپور طریقے سے انٹرنیٹ کو استعمال کر سکیں۔

اس آزمائشی مدت کے بعد صارفین یوفون کی جانب سے پیش کیے گئے یوفون تھری جی پیکجز میں سے کوئی بھی اپنی پسند کا پیکج چن کر سروس کو جاری رکھ سکتے ہیں۔
مفت تھری جی انٹرنیٹ کی مدد سے سکائپ، فیس بک، ٹوئٹر اور ویڈیو سٹریمنگ کے ساتھ ساتھ تمام ویب سائٹس استعمال کی جا سکیں گی۔

یوفون کی مفت تھری جی سروس جہلم اور ایبٹ آباد میں بھی 28 جنوری 2015 تک دستیاب ہے۔اس کے علاوہ مری، بھوربن میں 24 جنوری 2015 تک اور بنوں میں 21 جنوری تک یوفون کی مفت تھری جی سروس سے فائدہ اٹھایا جا سکتا ہے۔
اپنے علاقے میں تھری جی کوریج کے بارے میں جاننے کے لیے اس لنک پر کلک کریں۔