فیصل آباد، ڈویژن بھر میں سرکاری محکموں سے متعلق لوگوں کے مسائل ترجیحی بنیادوں پر حل کئے جارہے ہیں،آصف اقبال چوہدری
جمعہ 15 فروری 2019 22:32
(جاری ہے)
ڈویژنل کمشنر نے کہا کہ حکومت پنجاب کی ہدایات پر لوگوں کے مسائل سے آگاہی کے لئے اوپن ڈور پالیسی پر عملدرآمد کے علاوہ کھلی کچہریوں کے انعقادکا بھی پروگرام شروع کیا گیا ہے تاکہ متعلقہ محکموں کے افسران کی موجودگی میں عوام سے رابطہ کیا جائے اور ان کی شکایات ومسائل کو حل کرنے کے لئے موقع پر ہی اقدامات کئے جائیں۔
انہوں نے کہاکہ ڈویژنل وضلعی انتظامیہ کی طرف سے کھلی کچہریوں میں موصول ہونے والی درخواستوں پر محکمانہ کارروائی کی براہ راست نگرانی کی جارہی ہے تاکہ درخواست گزار کو جلدازجلد ریلیف فراہم کیا جاسکے۔انہوں نے بعض شکایات پر ڈپٹی کمشنر سے کہا کہ وہ محکمہ مال کے سٹاف کی کارکردگی پر خصوصی نظر رکھیں اور بدعنوان ملازمین کا کڑااحتساب کیا جائے۔انہوں نے محکمہ صحت کے افسران سے کہا کہ سرکاری ہسپتالوں،رورل اوربنیادی ہیلتھ مراکز میں علاج معالجہ کی مستعد سہولیات کو یقینی بنائیں اورغیر حاضر سٹاف کو نوکری سے فارغ کریں ۔ڈویژنل کمشنر نے دیگر محکموں سے متعلقہ لوگوں کی شکایات سنتے ہوئے متعلقہ افسران کو حکم دیا کہ وہ شہریوں کے لئے قابل رسائی رہیںاور ان کے مسائل کے حل میں خصوصی دلچسپی لیں۔آرپی او غلام محمود ڈوگر نے پولیس سے متعلقہ لوگوں کی شکایات سنتے ہوئے کہا کہ مظلوم کو جلد انصاف کی فراہمی اولین ترجیح ہے جس میں کوتاہی کرنے والے پولیس افسران جواب دہ ہوں گے۔انہوںنے ہدایت کی کہ مختلف وارداتوں کے مقدمات درج کرنے میں تاخیر نہ کریں اور درج مقدمات کے ملزمان کی گرفتاری اور مسروقہ مال کی برآمدگی کے لئے حتی المقدور کوششیں کی جائیں۔انہوں نے کہا کہ جس علاقے میں زیادہ وارداتیں رپورٹ ہوں گی وہاں کے تھانے کے ایس ایچ او کے خلاف ایکشن لیا جائے گا لہذا لوگوں کے جان ومال کے تحفظ سے کوتاہی نہ برتی جائے۔انہوں نے کہا کہ تھانوں میں سائلان کے ساتھ اچھا برتائو ہونا چاہیے اور جرائم کی بیخ کنی کے لئے پٹرولنگ میں اضافہ سمیت اشتہاری ملزموں کی گرفتاریوں کے لئے خصوصی ٹیمیں تشکیل دیں۔ڈپٹی کمشنر میاں محسن رشید اورڈی پی او صادق علی ڈوگر نے کہا کہ لوگوں کی درخواستوں پر محکمانہ کارروائی کی باقاعدگی سے نگرانی کی جارہی ہے تاکہ ریلیف کی فراہمی میں تاخیر نہ ہو۔انہوں نے یقین دلایا کہ محکمہ صحت،تعلیم اورمحکمہ مال سمیت دیگر محکموں کے بارے میں لوگوں کے مسائل حل کریں گے جبکہ مظلوم افراد کی دادرسی میں کوئی کسر اٹھا نہ رکھی جائے گی۔ایم پی اے سعید احمد سعدی اور چوہدری محمداشفاق نے کھلی کچہری کے انعقادپر ڈویژنل کمشنر آصف اقبال چوہدری،آر پی او غلام محمود ڈوگر اور مقامی انتظامیہ کے افسران کا شکریہ ادا کیا اور کہا کہ لوگوں کو ان کے گھروں کے قریب افسران کے رابطے سے مسائل کے جلد حل میں مدد ملتی ہے۔انہوں نے کھلی کچہریوں کے انعقاد کے اقدامات سے متعلق وزیراعلیٰ پنجاب سردار عثمان بزدار کے فیصلے کو سراہا اور کہا کہ لوگوں کو حقیقی تبدیلی کے مثبت اثرات نظر آرہے ہیں۔متعلقہ عنوان :
فیصل آباد میں شائع ہونے والی مزید خبریں
9مئی کےکرداروں کوسزاملنی چاہیے، کل لاہور میں علما کنونشن ہوگا،جمعہ کو یوم استحکام پاکستان منائیں گے، ..
کمشنر فیصل آباد سے ایڈیشنل سیکرٹری بورڈز کی ملاقات، انٹرمیڈیٹ سالانہ امتحانات بارے گفتگو
محکمہ ماحولیات کی کارروائی، پرنٹنگ یونٹ کاسٹیم بوائلر اور تھرموآئل ہیٹر سیل، مالک کو 3 لاکھ جرمانہ
کاشتکار بھائی گندم کی کٹائی کے بعد بھوسے کو آگ مت لگائیں، چوہدری خالد محمود
فیصل آباد،زمین کے تنازعہ پر دو گروپوں میں فائرنگ ایک شخص جاں بحق،ایک زخمی
فیصل آباد ،کمشنر/ چیئرپرسن ایجوکیشن بورڈ سلوت سعید سے ایڈیشنل سیکرٹری بورڈز ہائیر ایجوکیشن ڈیپارٹمنٹ ..
کمشنر سلوت سعید کی زیر صدارت ڈویژن میں کھیلوں کی سرگرمیوں اور دستیاب سپورٹس گرائونڈ کے حوالے سے اجلاس ..
ڈائریکٹر لائیو سٹاک کا تحصیل و ضلع فیصل آباد کے مختلف ویٹرنری ہسپتالوں کا دورہ
ڈپٹی کمشنر سے ڈنمارک انٹرنیشنل ڈویلپمنٹ ایجنسی کی ڈائریکٹر انویسٹمنٹ کی ملاقات
فیصل آباد، موٹر سائیکل چور گرفتار، چوری شدہ 30 موٹر سائیکلیں برآمد
فیصل آباد میں پولیس مقابلہ کے دوران مطلوب ڈاکو ہلاک
فیصل آباد پولیس نے منشیات فروش کو گرفتار کرکے 7 کلو سے زائد منشیات برآمد کرلیں
فیصل آباد سے متعلقہ
پاکستان کی تازہ ترین خبریں
-
قوم اور پاکستان نو مئی کے مجرموں کو بھولے ہیں نہ بھولیں گے
-
پاکستان اور عالمی بنک اصلاحات اور ترقی کے ایجنڈے کو آگے بڑھانے کے لئے پارٹنرشپ فریم ورک پر کام کرنے پر متفق
-
وزیر اعظم شہباز شریف سے ازبکستان کے وزیر خارجہ کی ملاقات،تجارت، معیشت، سیکورٹی، دفاع، سماجی روابط اور دیگر شعبوں میں تعاون بڑھانے پر تبادلہ خیال
-
تکنیکی و فنی تعلیم کو یکساں کرنے اور بیرون ملک پاکستانی افرادی قوت کیلئے پاکستان سکل کمپنی اور سکل ڈویلپمنٹ فنڈ کے قیام کافیصلہ
-
صدرآصف زرداری کوئٹہ کا 3 روزہ دورہ مکمل کر کے اسلام آباد روانہ
-
33 سی ایم اسپیشل پراجیکٹس کی ٹائم لائن کے اندرتکمیل کے لیے ہدایات جاری
-
وزیراعلیٰ مریم نواز سے ترکمانستان کے سفیر عطاجان نورلیو یچ مولاموف کی ملاقات،تجارتی تعلقات بڑھانے پر اتفاق
-
وزیراعلیٰ مریم نواز سے جمہوریہ قازقستان کے سفیر کی ملاقات، شہدا کے بچوں کیلئے قازقستان میں سٹڈی کیلئے سکالرشپ کا اعلان
-
وزیراعظم محمد شہبازشریف سے عالمی بینک کے نائب صدر برائے جنوبی ایشیا کی ملاقات
-
پنجاب بھر میں سرکاری سکولوں کو آئوٹ سورس کرنے کے منصوبے پرکام شروع
-
گھروں پر کوڑا ٹیکس لگانے کے لیے سمری تیار
-
شیرافضل مروت کے ساتھیوں اور یوٹیوبرمیں جھگڑا سوال کرنے پر جھگڑا ہوگیا ،بعد میں صلح ہوگئی