آزادی مارچ میں مسلم لیگ (ن )کی شرکت روکنے اور دھرنے کیخلاف ایک اور درخواست دائر اسلام آباد ہائیکورٹ میں دائرکر دی گئی

مسلم لیگ (ن )آزادی مارچ کے ذریعے نیب پر دبائوڈالنا چاہتی ہے ، مولانا فضل الرحمن کو آزادی مارچ اور دھرنا دینے سے روکا جائے،درخواست میں استدعا

منگل 15 اکتوبر 2019 13:35

آزادی مارچ میں مسلم لیگ (ن )کی شرکت روکنے اور دھرنے کیخلاف ایک اور درخواست دائر اسلام آباد ہائیکورٹ میں دائرکر دی گئی

اسلام آباد (اُردو پوائنٹ اخبارتازہ ترین - این این آئی۔ 15 اکتوبر2019ء) آزادی مارچ میں مسلم لیگ (ن )کی شرکت روکنے اور دھرنے کیخلاف ایک اور درخواست دائر اسلام آباد ہائیکورٹ میں دائرکر دی گئی ہے۔ منگل کو حکومت کے خلاف جمعیت علماء اسلام فضل الرحمن کے آزادی مارچ اور اس میں مسلم لیگ (ن )کی شرکت کو روکنے کیلئے اسلام آباد ہائیکورٹ میں ایک اور درخواست دائر کر دی گئی درخواست میں موقف اختیار کیا گیا کہ مسلم لیگ (ن )کی قیادت کے خلاف نیب کے کیسز زیرالتوا ہیں نواز شریف نے جیل سے آزادی مارچ کی حمایت کیلئے خط بھی لکھا ہے ۔

(جاری ہے)

مسلم لیگ نون آزادی مارچ کے ذریعے نیب پر دباو ڈالنا چاہتی ہے، عدالت سے استدعا کی گئی ہے کہ مولانا فضل الرحمن کو آزادی مارچ اور دھرنا دینے سے روکا جائے،سپریم کورٹ اور اسلام آباد ہائی کورٹ نے دھرنے مختص جگہ کرنے کا حکم دے رکھا ہے،وکیل حنیف راہی کی جانب سے درخواست اسلام آباد ہائیکورٹ میں دائر کی گئی ۔درخواست میں سیکریٹری داخلہ،مولانا فضل الرحمن اور مسلم لیگ نون کو فریق بنایا گیا ۔ڈپٹی کمشنر اسلام آباد اور چیئرمین پیمرا کو بھی درخواست میں فریق بنایا گیااسلام آباد ہائی کورٹ میں دھرنے کے خلاف اس سے قبل بھی درخواست زیرالتوا ہے۔