دہشتگردی ختم کرنے میں ہم ناکام ہوگئے یہ کم ہونے کے بجائے بڑھ رہی ہے،اسحاق ڈار کا اعتراف،
فوجی عدالتوں کے قیام پر مجبوری کے تحت رضا مند ہوئے،سیاسی جماعتوں کے تحفظات دور کریں گے،معاہدہ ہوجائے گا،سانحہ پشاور کے بعد قوم متحد ہوئی موقع ضائع نہیں کرنا چاہئے،وزیرخزانہ کا نجی ٹی وی کو انٹرویو
پیر 29 دسمبر 2014 23:04
اسلام آباد(اُردو پوائنٹ اخبار تازہ ترین۔29دسمبر 2014ء) وفاقی وزیرخزانہ اسحاق ڈار نے کہا ہے کہ دہشتگردی کے خاتمے میں ہم ناکام ہوگئے،یہ کم ہونے کی بجائے بڑھ رہی ہے،فوجی عدالتوں کے قیام پر سب کے تحفظات تھے،مسلم لیگ(ن) سمیت سب نے مجبوری کے تحت اس پر رضا مندی ظاہر کی جس پارٹی کے تحفظات ہوئے دور کئے جائیں گے،فوجی عدالتوں کے قیام پر سیاسی جماعتوں کے درمیان معاہدہ ہو جائے گا،خدا کرے ہم سب مل کر دہشتگردی کی برائی کو جڑ سے اکھاڑ پھینکیں،دہشتگردی کا خاتمہ کرکے ہی ہم پاکستان کو خوشحال اور باوقار بنا سکتے ہیں۔
نجی ٹی وی کو دئیے گئے انٹرویو میں اسحاق ڈار نے کہا کہ آل پارٹیز کانفرنس میں20فیصلے کئے گئے تھے اور اس میں ایک چھوٹی کمیٹی بنی تھی اور تمام سیاسی جماعتوں نے محدود عرصے کے لئے فوجی عدالتوں کے قیام پر اتفاق کیا تھا اور اس کیلئے آئینی ترمیم کی بات ہوئی تھی۔(جاری ہے)
انہوں نے کہا کہ فوجی عدالتوں کے قیام پر مسلم لیگ(ن) سمیت تمام سیاسی جماعتوں کے تحفظات تھے،مسلم لیگ(ن)مجبوری کے تحت فوجی عدالتوں کے قیام پر رضا مند ہوئی،یہ اس وقت پاکستان کی ضرورت ہے۔
انہوں نے کہا کہ اسفندیارولی محب وطن ہیں اور ہمیں کسی کو حب الوطنی کا سرٹیفکیٹ دینے کی ضرورت نہیں،اسفندیارولی کو وضاحت کی تو وہ بھی مان گئے۔انہوں نے کہا کہ سانحہ پشاور کے بعد اب ایک بڑا چیلنج بن گیا ہے،ہم ناکام ہوگئے ہیں،دہشتگردی کم نہیں ہورہی بلکہ بڑھ رہی ہے۔انہوں نے کہا کہ خلوص نیت سے کوشش کی جائے تو کوئی کام ناممکن نہیں۔تحریک انصاف سے جوڈیشل کمیشن کے قیام پر3نکات پر بات ہورہی ہے،امید ہے یہ مسئلہ حل ہوجائے گا۔انہوں نے کہا کہ جس پارٹی کے بھی تحفظات سامنے آئے اس سے بات کی جائے گی،ہم دہشتگردی کے جس لیول میں پھنس گئے ہیں ہم خلوص نیت کے ساتھ اس پر کام کر رہے ہیں،سانحہ پشاور نے ہمیں ایک ڈائریکشن دی ہے ہم اس موقع کو ضائع نہیں کرنا چاہتے۔انہوں نے کہا کہ فوج اور حکومت ایک پیج پر ہے،ہمارا آصف علی زرداری،اسفندیارولی سمیت سیاسی رہنماؤں سے بھی رابطہ ہوا کوئی بھی لیڈر بیک آؤٹ نہیں کرے گا۔اسحاق ڈار نے کہا کہ دہشتگردی کے خاتمے کیلئے سول آرمڈ فورسز کے16ونگ لئے جائیں گے وہ اپنے لیول پر بھرتیاں کریں گے اور یہ سول آرمڈ فورِسز ہوں گی،یہ فورس چاروں صوبوں اور وفاق میں بھی ہوگی اور جہاں جہاں ضرورت ہوگی یہ فورس فوری کارروائی کرے گی۔انہوں نے کہا کہ غیر قانونی سموں کی بندش پر کام ہورہا ہے،نئی سموں کے اجراء پر غیر قانونی سموں کو روکا جارہا ہے تاہم جو پرانی سمیں ہیں انہیں بند کرنے کا مسئلہ آرہا ہے اور اس کے لئے وقت پر بات ہورہی ہے،اس پر کسی کو بھی اعتراض نہیں ہوگا۔انہوں نے کہا کہ اگر دھرنا نہ ہوتا اپنے اہداف ستمبر میں حاصل کرلیتے تاہم ہم نے3ماہ کی تاخیر سے اہداف حاصل کرلئے ہیں۔انہوں نے کہا کہ ٹرانسپورٹ کے کرائے کم ہوئے ہیں تاہم یہ درست ہے کہ کرائے ابھی اس طرح کم نہیں ہوئے جتنے ہونے چاہئے تھے،پٹرول کی قیمتوں میں کمی کے بعد ٹرانسپورٹ کے کرایوں میں مزید کمی بھی ہونی چاہئے اور یہ کام صوبوں کو کرنا چاہئے۔اسحاق ڈار کا کہنا تھا کہ پٹرولیم مصنوعات کی قیمتوں میں کمی سے ریونیو نقصان ہورہا ہے اور ہمیں70ارب روپے سالانہ نقصان ہوگا اور اس نقصان کو پورا کرنے کیلئے پٹرولیم مصنوعات کی قیمتوں میں مزید کمی کے بارے میں غور ہوگا۔انہوں نے کہا کہ دہشتگردی کا خاتمہ کرکے آنے والے پاکستان کو خوشحال اور باوقار پاکستان دے سکتے ہیں،خدا کرے ہم سب ملکر اس برائی کو جڑ سے اکھاڑ پھینکیں،اگر ہم دہشتگردی کو شکست نہیں دیں گے تو ایسا کوئی اور سانحہ ہوسکتا ہے۔انہوں نے کہا کہ پاکستان کی معیشت مستحکم ہوئی ہے اور یہ دنیا تسلیم کرتی ہے،شمالی وزیرستان کے متاثرین کی دوبارہ آبادکاری پر130ارب خرچ آئیں گے،رقم کی کمی نہیں ہوگی،تاہم ان کی کلےئرنس کے بعد واپسی کا عمل شروع ہوگا،2015ء کا سب سے بڑا چیلنج دہشتگردی کا خاتمہ متاثرین کی بحالی اور افغان مہاجرین کی واپسی ہےاسلام آباد میں شائع ہونے والی مزید خبریں
ضمنی انتخابات ، پنجاب سے کامیاب امیدواروں کے نوٹیفکیشن جاری
پاکستان کی امریکا سے درآمدات پرانحصار میں بڑی کمی
بانی پی ٹی آئی کا ڈی چوک کا دھرنا دو ججوں نے واپس کرایا، فیصل واوڈا
ڈیجیٹل آپریٹرجاز کی ہزاروں طلباء کو انفارمیشن کمیونیکیشن ٹیکنالوجی کے مختلف شعبوں میں آگے بڑھنے میں ..
اسلام آباد پولیس نے 24 گھنٹوں کے دوران 15 منشیات فروشوں سمیت 39 جرائم پیشہ عناصر کو گرفتار کر لیا
برطانیہ کے اعلیٰ تعلیمی وفد کا برٹش کونسل کے عہدیداروں کے ہمراہ کامسیٹس یونیورسٹی اسلام آباد کا دورہ
وفاقی وزیر بحری امور قیصر احمد شیخ سےچائنا اوورسیز پورٹس ہولڈنگ کمپنی لمیٹڈ کے چیئرمین کی ملاقات
این ٹی ڈی سی انٹر ڈیپارٹمنٹل ٹیپ بال کرکٹ ٹورنامنٹ اختتام پذیر ، جنرل منیجر (ایچ آر) کی ٹیم فاتح
راولپنڈی،گنجمنڈی پولیس کی کارروائی ،خاتون کو ہراساں کرنے اور دھمکیا ں دینے والا ملزم گرفتار
پاکستان معلومات کے تبادلے اور ڈیٹا کو حفاظت کے ساتھ خفیہ رکھنے کے لئے پر عزم ہے، ڈائریکٹر جنرل انٹرنیشنل ..
مہنگی مرغی، حکومت کا چوزے کی برآمد پرپابندی عائد کرنے کا فیصلہ
مسلم لیگ (ن )قومی اسمبلی میں سب سے بڑی جماعت ہے ،الیکشن کمیشن نے پارٹی پوزیشن جاری کردی
اسلام آباد سے متعلقہ
پاکستان کی تازہ ترین خبریں
-
روٹی زائد قیمت پر فروخت کرنے والوں کیخلاف کریک ڈائون جاری، 115 افراد گرفتار
-
پاکستان کی امریکا سے درآمدات پرانحصار میں بڑی کمی
-
بانی پی ٹی آئی کا ڈی چوک کا دھرنا دو ججوں نے واپس کرایا، فیصل واوڈا
-
مہنگی مرغی، حکومت کا چوزے کی برآمد پرپابندی عائد کرنے کا فیصلہ
-
سینئر صوبائی وزیر مریم اورنگزیب کی ورلڈ فوڈ پروگرام کی کنٹری ڈائریکٹر کوکویوشییامہ سے ملاقات
-
حکومت گندم خریداری سے ہاتھ کھینچ چکی، کسان کو3900 روپے فی من قیمت نہیں مِل رہی
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
ملٹی سیکٹورل سموگ ایکشن پلان پر آئندہ ہفتے سے عملدرآمد شروع ہوجائے گا
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ