وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
جمعہ 26 اپریل 2024 18:56
(جاری ہے)
وزیر اعظم 4-5 مئی 2024 کو گیمبیا کے دارالحکومت بنجول میں "پائیدار ترقی کے لیے مذاکرات کے ذریعے اتحاد اور یکجہتی کو بڑھانا" کے نعرے کے تحت اسلامی سربراہی کانفرنس کے 15ویں اجلاس میں شرکت کے لیے گیمبیا کا دورہ کریں گے۔
او آئی سی کا سربراہی اجلاس ایسے نازک وقت میں منعقد ہو رہا ہے جب غزہ میں اسرائیلی مظالم کا سلسلہ جاری ہے ، اجلاس میں مسلم دنیا کے رہنما فلسطین کی صورتحال پر غور و خوض کریں گے۔ انہوں نے کہا کہ وزیر اعظم شہباز شریف غزہ میں نسل کشی پر پاکستان کی شدید تشویش کا اظہار کریں گے، فلسطینیوں کے حق خودارادیت کی وکالت کریں گے، یکجہتی کی ناگزیر ضرورت کے علاوہ اسلامو فوبیا، دہشت گردی اور دنیا بالخصوص مسلم دنیا کو درپیش چیلنجز پر بات کریں گے۔ وزیراعظم مسلم دنیا کے رہنماؤں سے دوطرفہ ملاقاتیں بھی کریں گے۔ او آئی سی سربراہی اجلاس سے قبل 2 سے 3 مئی کو وزرائے خارجہ کی کونسل کا ابتدائی اجلاس ہوگا جس میں وزیر خارجہ اسحاق ڈار شرکت کریں گے، جو دو طرفہ ملاقاتیں بھی کریں گے۔ ترجمان نے میڈیا کو بتایا کہ پاکستان بھارتی رہنماؤں کے اشتعال انگیز بیانات میں اضافہ دیکھ رہا ہے جو بھارتی غیر قانونی مقبوضہ جموں و کشمیر پر غیر ضروری دعوے کرتے ہیں۔ پاکستان اشتعال انگیز بیان بازی پر مبنی بھارتی دعوؤں کو مسترد کرتا ہے، ایسے دعوے علاقائی امن اور استحکام کے لیے خطرہ ہیں۔ انہوں نے ہندوستانی سیاست دانوں پر زور دیا کہ وہ انتخابی مقاصد کے لئے پاکستان کو اپنی اندرونی گفتگو میں گھسیٹنے کا عمل بند کریں۔ انہوں نے کہا کہ بھارتی بیان بازی اور دعوئوں کے باوجود بھارتی غیر قانونی مقبوضہ جموں وکشمیر بین الاقوامی سطح پر تسلیم شدہ متنازعہ علاقہ ہے کیونکہ اقوام متحدہ کی سلامتی کونسل کی قراردادوں میں واضح طور پر بتایا گیا ہے کہ حتمی حیثیت کا تعین آزادانہ رائے شماری کے ذریعے کشمیری عوام کی مرضی سے کیا جائے گا۔ انہوں نے کہا کہ بھارت کے لیے دانشمندی ہوگی کہ وہ کسی فریب میں مبتلا ہونے کی بجائے ان قراردادوں کو نافذ کرنے میں اپنے حصے کا کردار ادا کرے۔ ترجمان نے بھارت میں مسلمانوں اور دیگر اقلیتوں کی مسلسل تذلیل اور ان کو نشانہ بنانے کی بھی مذمت کی۔ ایک سوال کے جواب میں ترجمان نے کہا کہ فی الحال پاکستان اور بھارت کے درمیان دوطرفہ تجارت کو معمول پر لانے کے لیے کوئی بیک چینل ڈپلومیسی نہیں چل رہی۔ ایرانی صدر ابراہیم رئیسی کے دورے کے بارے میں میڈیا کو آگاہ کرتے ہوئے، انہوں نے کہا کہ بات چیت کے دوران دونوں فریقوں نے اقتصادی اور ثقافتی تعاون کو مضبوط بنانے، دو طرفہ سرحدوں کو امن اور تعاون کی سرحدوں میں تبدیل کرنے، آزاد تجارتی معاہدے اور ایک دوسرے کے قیدی رہا کرنے کے معاملے پر مذاکرات تیز کرنے پر اتفاق کیا۔ ایران پاکستان گیس پائپ لائن پراجیکٹ کے بارے میں سوال پر انہوں نے کہا کہ ایرانی صدر کے دورے کے دوران اس پر بات ہوئی اور مشترکہ بیان میں بھی اسے نمایاں کیا گیا۔ انہوں نے کہا کہ پاکستان کو توانائی کی ضروریات ہیں اور وہ اس کی درآمد کے لیے آپشنز تلاش کر رہا ہے۔ انہوں نے کہا کہ پاکستان نے پاکستان ایران تجارت کے بارے میں امریکی حکام کے بیانات کو نوٹ کیا ہے اور امریکہ کے ساتھ توانائی کی ضروریات کے تمام پہلوؤں پر بات چیت کی ہے۔ انہوں نے میڈیا کو بتایا کہ چائنہ انٹرنیشنل ڈویلپمنٹ کوآپریشن ایجنسی (سی آئی ڈی سی اے) کے ایک اعلیٰ سطحی وفد نے چیئرمین لو ژاؤہوئی کی قیادت میں پاکستان کا دورہ کیا اور وزیراعظم شہباز شریف اور دیگر قیادت سے ملاقات کی جس میں دونوں فریقین نے چائنہ پاکستان اکنامک راہداری کے تحت زیر تکمیل منصوبوں کو تیز کرنے پر اتفاق کیا۔ غزہ کی صورتحال اور دو اجتماعی قبروں کی دریافت پر روشنی ڈالتے ہوئے ترجمان نے اسرائیل کے جنگی جرائم کی تحقیقات اور ذمہ داری کے تعین، فوری اور غیر مشروط جنگ بندی، محاصرہ ختم کرنے اور انسانی امداد تک بلا رکاوٹ رسائی کا مطالبہ کیا۔ ترجمان نے انسانی حقوق سے متعلق امریکی کنٹری رپورٹ کو مسترد کرنے کا اعادہ کیا کیونکہ اس رپورٹ کے لئے ناقص طریقہ کار استعمال ہوا ہے۔متعلقہ عنوان :
اسلام آباد میں شائع ہونے والی مزید خبریں
ہر اس مسئلے پر جوڈیشل کمیشن بننا چاہئے جہاں طاقت کے بل پر آئین قانون کی پامالی ہوئی
وفاقی وزیر خزانہ و محصوولات محمد اورنگ زیب سے بین الاقوامی سرمایہ کاروں کے وفد کی ملاقات
اقتصادی رابطہ کمیٹی نے 2 لاکھ میٹرک ٹن یوریا کھاد کی درآمد ،کے الیکٹرک کے لیے 70 ارب اور آزاد جموں و کشمیر ..
ایف بی آر کے پروجیکٹ ڈائریکٹر اور ممبر آپریشنز انلینڈ ریونیو اس غفلت کے مرتکب پائے گئے،وزیراعظم کو ..
اسلام آباد پولیس کے 323افسران محکمانہ ترقی کے امتحان میں کامیابی
آئیسکو نے بدھ کو بجلی کی عارضی بندش کا شیڈول جاری کردیا
آئی جی اسلام آباد کا فورس کی ویلفئیر کیلئے اقدامات کا سلسلہ جاری ،48کنسٹیبلان کو اگلے عہدوں پر ترقی ..
آئی جی اسلام آباد کا پولی کلینک ہسپتال کا دورہ ،زخمی کنسٹیبل نثار کی تیمارداری کی
وزیراعظم پیکیج کے تحت اسلام آباد پولیس کے شہداء اور دوران سروس وفات پا جانیوالی6افسران کے بچوں کو بھرتی ..
سیف سٹی کمانڈ اینڈ کنٹرول سنٹر اسلام آباد میں رینک لگانے کی تقریب کا انعقاد
شہید ذوالفقار علی بھٹو انسٹیٹیو ٹ آف سائنس اینڈ ٹیکنالوجی کے طلباء وفد کا سیف سٹی اسلام آباد کا دورہ
اسلام آباد،تحریک "نشہ اب نہیں "کے آغاز سے لے کر اب تک منشیات فروشی میں ملوث 204ملزمان گرفتار
اسلام آباد سے متعلقہ
پاکستان کی تازہ ترین خبریں
-
ہر اس مسئلے پر جوڈیشل کمیشن بننا چاہئے جہاں طاقت کے بل پر آئین قانون کی پامالی ہوئی
-
9 مئی کے ملزمان کو ایک سال بعد بھی کٹہرے میں کھڑا نہیں کیا گیاتو کس نے منع کیا؟
-
بعض طاقتیں بلوچستان اور ملک میں استحکام نہیں چاہتیں‘بلوچستان کے مستقبل کا لائحہ عمل طے کرنے کے لیے تمام سیاسی قوتوں سے بات چیت کریں گے.صدر آصف زرداری
-
لاہور میٹرو بس پر ڈیزل کے نرخوں میں اضافے کا بوجھ بڑھنے لگا
-
9 مئی کرنے اور کروانے والوں کو آئین کے مطابق سزا دینا ہوگی،ترجمان پاک فوج
-
انٹربینک اور مقامی اوپن کرنسی مارکیٹ میں ڈالر کی قیمت میں کمی
-
عالمی مارکیٹ اور مقامی صرافہ مارکیٹ میںسونے کا بھائوگھٹ گئے
-
وزیر اعلیٰ مریم نواز کی زیر صدارت پلاننگ اینڈ ڈویلپمنٹ بورڈ آفس میں پانچ گھنٹے طویل اجلاس، 33 سپیشل پراجیکٹس پر پیشرفت کا جائزہ
-
وزیراعلیٰ مریم نوازکی زیر صدارت اجلاس، 33 سپیشل پراجیکٹس پر پیشرفت کا جائزہ
-
سابق گورنرعمرسرفرازچیمہ کے جسمانی ریمانڈ میں توسیع نہ کرنے کے خلاف کیس میں سماعت ملتوی
-
وزیراعلیٰ سندھ کی زیر صدارت پاکستان پیپلز پارٹی لاڑکانہ ڈویژن کا اجلاس
-
وزیرِاعظم محمد شہباز شریف سے جاپانی سفیر کی قیادت میں پاکستان میں جاپانی کمپنیوں و کاروباری شخصیات کے وفد کی ملاقات