تائیوان کی ''آزادی'' مسترد‘چین کا حصہ ہے اورکوئی راستہ نہیں‘صدر

بدھ 22 مئی 2024 21:47

تائیوان کی ''آزادی'' مسترد‘چین کا حصہ ہے اورکوئی راستہ نہیں‘صدر
اسلام آباد(اُردو پوائنٹ اخبارتازہ ترین - آن لائن۔ 22 مئی2024ء) صدر مملکت آصف علی زرداری نے تائیوان کی ''آزادی'' کی کسی بھی شکل کو مسترد کرتے ہوئے کہا ہے کہ تائیوان چین کا حصہ ہے، اس کے علاوہ کوئی راستہ نہیں،پاکستان ون چائنا اصول کی پاسداری کرتا ہے اور ہمیشہ چین کے ساتھ کھڑا رہے گا۔ پاکستان اور چین کے مابین سفارتی تعلقات کے قیام کی 73ویں سالگرہ کے تناظر میں چینی میڈیا کو انٹرویو میں صدر نے دونوں ممالک کے مابین عوامی تبادلوں کو مضبوط بنانے کی اہمیت پر زور دیا اور کہا کہ دونوں ممالک کے درمیان لوگوں کی نقل و حرکت آسان بنانے کیلئے مزید پالیسیوں کی ضرورت ہے، پالیسیوں کا تسلسل چین کی معاشی کامیابی کی ایک اہم وجہ ہے۔

پاکستان چین کے ترقیاتی عمل میں مزید شامل ہونے کی امید رکھتا ہے، صدر مملکت نے کہا کہ سابق وزیر اعظم ذوالفقار علی بھٹو نے قوم کو مشرق اور چین کی طرف دیکھنے کا کہا، 11 سال قبل پاک- چین اقتصادی راہداری کے آغاز کے بعد سے گوادر بندرگاہ میں بہت سے ترقیاتی کام ہوئے،گوادر بندرگاہ پوری دنیا سے ہمیشہ سرمایہ کاروں کا خیرمقدم کرے گی۔

(جاری ہے)

صدر زرداری کا کہنا تھا کہ پاکستان ون چائنا اصول کی پاسداری کرتا ہے، صدر مملکت نے تائیوان کی ''آزادی'' کی کسی بھی شکل کو مسترد کر دیااور کہا کہ تائیوان چین کا حصہ ہے، اس کے علاوہ کوئی راستہ نہیں،پاکستان ہمیشہ چین کے ساتھ کھڑا رہے گا، چین کے بنیادی مفادات کا تحفظ کرے گا۔

اسلام آباد میں شائع ہونے والی مزید خبریں