سابق گورنر پنجاب عمر سرفراز چیمہ کی برطرفی اسلام آباد ہائیکورٹ میں چیلنج

آئین کے مطابق گورنر صوبے میں وفاق کا نمائندہ ہے،نوٹیفکیشن بلا اختیار ہے اور ماورائے آئین ہے۔درخواست میں موقف

جمعرات 19 مئی 2022 23:58

اسلام آباد (اُردو پوائنٹ اخبارتازہ ترین - آن لائن۔ 19 مئی2022ء) سابق گورنرپنجاب عمرسرفرازچیمہ نے اپنی برطرفی کے نوٹیفکیشن کواسلام آباد ہائیکورٹ میں چیلنج کردیا۔ڈائری برانچ کے اسسٹنٹ رجسٹرار نے سابق گورنرکی درخواست پراعتراض عائد کرتے ہوئے کہا ہے کہ معاملہ پنجاب کا ہے، اس عدالت کا دائرہ کار نہیں، درخواست میں بنائے 2 فریقین کے خلاف درخواست قابل سماعت نہیں۔

(جاری ہے)

عمرسرفرازچیمہ نے بابراعوان اعوان ایڈووکیٹ کے ذریعے درخواست دائرکی، درخواست میں کہا گیا ہے کہ گورنرشپ سے ہٹانا غیر قانونی ہے۔پنجاب میں ایک شخص جو اختیارات استعمال کررہا ہے وہ غیرقانونی ہے۔وزیراعظم نے اپنے بیٹے کو فائدہ دینے کے لیے غیر قانونی عہدے سے ہٹایا۔ کابینہ ڈویژن کے نوٹیفکیشن جاری کرانے والوں کے خلاف بھی کارروائی کی جائے۔برطرفی کا آرڈر کالعدم قرار دیا جائے۔۔آئین کے مطابق گورنر صوبے میں وفاق کا نمائندہ ہے۔۔نوٹیفکیشن بلا اختیار ہے اور ماورائے آئین ہے۔۔