مافیا عمران خان کے دو کتوں اور کیچن کا خرچہ اٹھارہا ہے‘عظمی بخاری

کھوکھر پیلس کے حوالے سے لاہور ہائیکورٹ نے بزدار حکومت کے منہ پر طماچہ مارا ہے

بدھ 27 جنوری 2021 17:06

مافیا عمران خان کے دو کتوں اور کیچن کا خرچہ اٹھارہا ہے‘عظمی بخاری

لاہور(اُردو پوائنٹ اخبارتازہ ترین - این این آئی۔ 27 جنوری2021ء) مسلم لیگ(ن) پنجاب کی سیکرٹری اطلاعات عظمیٰ بخاری نے کہا ہے کہ مافیا عمران خان کے دو کتوں اور کیچن کا خرچہ اٹھارہا ہے،شہبازشریف نے لاہور کو دنیا کے خوبصورت ترین شہروں کے برابر لاکھڑا کیا،عثمان بزدار نے لاہور کو بدبودار بنادیا ہے،اور شرم بھی نہیں آتی،کھوکھر پیلس کے حوالے سے لاہور ہائیکورٹ نے بزدار حکومت کے منہ پر طماچہ مارا ہے،ان کے نقصان کی تلافی اپ لوگوں کو کرنی ہوگی،خادمہ جی پنجاب پولیس وزیراعلیٰ ہائوس سے نہیں بنی گالہ سے کنٹرول ہورہی ہے،سلطنت عمرانیہ میں قانون،عدالتیں اور انصاف بنی گالہ کی باندی ہیں۔

عظمیٰ بخاری کا فردوس عاشق کی پریس کانفرنس پردعمل میں کہابزدار حکومت کی نوکری کرنے کا خمیازہ ڈی سی لاہور اور سی سی پی او لاہور کو اٹھانا پڑا ہے۔

(جاری ہے)

خادمہ جی شاید آپ بھول رہی ہیں عمران خان نے نوازشریف سے اربوں روپے وصول کرنے کا دعوی کیا تھا،لیکن بیچارے کے ہاتھ پچاس روپے کا اشٹام پیپر آیا۔عمران خان اداروں کے پیچھے چھپ کر بیٹھا اس بزدل شخص میں جرات نہیں وہ میدان میں نوازشریف کا مقابلہ کرے۔فردوس باجی تحریک انصاف کا کارکن آج بھی آپ جیسی سیاسی یتیموں کو گالیاں نکالتا ہے۔چینی مافیا،آٹا مافیا اور قبضہ مافیا عمران خان کی گود میں بیٹھے ہیں۔یہی مافیا عمران خان کے دو کتوں اور کیچن کا خرچہ اٹھاتا ہے۔