کمپیٹیشن کمیشن آف پاکستان کے وفدکی ڈائریکٹر جنرل ایل ڈی اے آمنہ عمران خان سے ملاقات

جمعرات 18 اپریل 2019 20:27

لاہور۔18 اپریل(اُردو پوائنٹ اخبارتازہ ترین - اے پی پی۔ 18 اپریل2019ء) کمپیٹیشن کمیشن آف پاکستان وزارت خزانہ حکومت پاکستان کے دو رکنی وفد نے لاہور ڈویلپمنٹ اتھارٹی کی ڈائریکٹر جنرل آمنہ عمران خان سے ملاقات کی اور ان سے دونوں اداروں کے درمیان تعاون کے امکانات پر تبادلہ خیال کیا۔

(جاری ہے)

کمیشن کے رکن ڈاکٹر شہزاد عنصر نے ڈائریکٹر جنرل ایل ڈی اے کو بتایا کہ ان کا ادارہ ریئل اسٹیٹ کے شعبے میں شہریوں کے مفادات کے تحفظ کے لئے اہم کردار ادا کر رہا ہے اور غیر قانونی رہائشی سکیموں کی طرف سے سادہ لوح شہریوں کی جمع پونجی ہتھیانے کے واقعات روکنے کے سلسلے میں تعاون کر سکتا ہے۔

انہوں نے اس موقع پر لاہور ڈویلپمنٹ اتھارٹی اور کمپیٹیشن کمیشن آف پاکستان کے درمیان مفاہمت کی یاداشت پر دستخط کرنے کی پیشکش بھی کی تاکہ لاہور ڈویلپمنٹ اتھارٹی کی حدود میں غیرقانونی رہائشی سکیموں کے خلاف مؤثر کارروائی کی جا سکے۔