گجرات میں قائد اعظم محمد علی کے تاریخی سٹیج و مجسمہ اور مونومنٹ کا افتتاح کردیا گیا

لالہ موسیٰ (اُردو پوائنٹ اخبارتازہ ترین - اے پی پی۔ 16 مئی2024ء) ڈپٹی کمشنر صفدر حسین ورک نے میونسپل کارپوریشن گجرات میں قائد اعظم محمد علی کے تاریخی سٹیج و مجسمہ اور تمبل چوک میں قائم کئے گئے مونومنٹ کا افتتاح کیا۔ اس موقع پر مسلم لیگ (ق) سٹی گجرات کے رہنما علی ابرار جوڑا، حافظ عقیل عباس، سی او میونسپل کارپوریشن گجرات ملک ابرار، چوہدری طاہر مانڈہ، چوہدری مظہر وڑائچ نت، عمر سہیل بھٹہ، تیمور بٹ موجود تھے۔

(جاری ہے)

ڈپٹی کمشنر صفدر حسین ورک نے اس موقع پر خطاب کرتے ہوئے کہا کہ گجرات کے لئے اعزاز کی بات ہے کہ قائد اعظم محمد علی جناح نے 28 جولائی 1944 ء کو اس مقام پر خطاب کیا، اس تاریخی سٹیج کو از سرنو تعمیر کیا گیا ہے اور بانی پاکستان محمد علی جناح کا مجسمہ نصب کیا گیا ہے، شہر کی خوبصورتی میں پرائیویٹ پبلک پارٹنرشپ کے تحت مختلف منصوبوں پر کام جاری ہے، جناح چوک، کچہری چوک، تمبل چوک میں خوبصورت مونومنٹ نصب کئے گئے ہیں ۔ ڈپٹی کمشنر نے کہا کہ گجرات شہر کی خوبصورتی کے لیے صاف گجرات کمیٹی تشکیل دی گئی، کمیٹی کے فورم سے شہر کی خوبصورتی کے عملی اقدامات کیے جارہے ہیں