․ ایس ایس پی لاڑکانہ کی ضلع کے تمام ڈی ایس پیز اور ایس ایچ اوز کو تھانوں میں روزانہ دو گھنٹوں تک کھلی کچھری منعقد کی ہدایات

اتوار 23 ستمبر 2018 19:30

لاڑکانہ۔ (اُردو پوائنٹ اخبارتازہ ترین - اے پی پی۔ 23 ستمبر2018ء) آئی جی سندھ امام کلیم کی ہدایات پر ایس ایس پی لاڑکانہ نے ضلع کے تمام ڈی ایس پیز اور ایس ایچ اوز کو تھانوں میں روزانہ دو گھنٹوں تک کھلی کچھری منعقد کرکے شکایت حل کرنے اور اپنی سرگرمیوں کے متعلق آگاہی فراہم کرنے کے لیے سخت ہدایات جاری کردیئے ہیں۔

(جاری ہے)

ایس ایس پی لاڑکانہ شبیر احمد سیٹھار نے رابطہ کرنے پر بتایا کہ لاڑکانہ کے تمام ڈی ایس پیز اور ایس ایچ اوز کے لیے ایکٹوٹی لاگ بوک رکھنا لازمی ہے جس کے لیے ایک پروفارما بھی جاری کیا گیا ہے ہر پولیس افسر ہفتے میں ایک روز ایس ایس پی آفیس میں پیش ہوں گے۔

انہوں نے کہا کہ پولیس افسران اپنی تمام سرگرمیوں، عدالتی سماعت، کاروائیوں کے تفصیل، شکایات کے تفصیل، پیٹرولنگ کے اوقات اور حاصل کردہ حدف کے متعلق آگاہی دیں گے اس کے علاوہ پولیس افسران روزانہ دو گھنٹے تھانوں میں کھلی کچھری کرکے عوامی شکایات حل کریں اور ایکٹوٹی بوک کا ہر ہفتے معائنہ کرکے اس پر دستخط کیے جائیں گے۔ ایس ایس پی نے کہا کہ عوامی شکایات کو سسنے اور انہیں حل کرنے سمیت عوام کے جان و مال کی حفاظت کے لیے آئی جی سندھ کی جانب سے باقاعدہ اس قسم کا ایک آرڈر پاس کیا گیا ہے جس پر عمل درآمد تمام پولیس افسران کی ذمہ داری ہے۔