نوشہرہ کے علاقے پیتائو میں پانچ ماہ کی دلہن پراسرار طور پر ہلاک

پیر 26 فروری 2018 21:59

نوشہرہ۔26فروری(اُردو پوائنٹ اخبارتازہ ترین - اے پی پی۔ 26 فروری2018ء) نوشہرہ کے علاقے پیتائو میں پانچ ماہ کی دلہن پراسرار طور پر ہلاک ہوگئی، شوہر نے سسرال کو بتایا کہ اس کی بیوی نے دوپٹے سے پھندہ بناکرخود کو پھانسی دے دی۔ پولیس کے مطابق پوسٹ مارٹم رپورٹ کے بعد اصل حقائق سامنے آئیںگے یہ خود کشی ہے یا کہ قتل‘ پولیس نے رپورٹ درج کرکے تفتیش شروع کردی۔

تفصیلات کے مطابق مسمات لباس جانہ زوجہ ثمر شاہ ساکن پیتائو بالا نے پولیس کورپورٹ درج کراتے ہوئے کہا کہ اس کو ا س کے داماد راہد گل ولد دوار خان ساکن پیتائو نے اطلاع دی کہ اس کی بیوی اورمیری بیٹی اکیس سالہ بنوشہ نے دوپٹے سے پھندہ بناکرخود کو پھانسی دے دی ہے۔ جب میں وہاں پہنچی تو دیکھا کہ وہ چارپائی پرہلاک شدہ پڑی تھی۔

(جاری ہے)

پولیس نے خاتون کی لاش ڈی ایچ کیوہستپال نوشہرہ منتقل کردی جہاںپر پوسٹ مارٹم کے لا ش ورثا کے حوالے کردی واضح ہے کہ بنوشہ کاشوہر انٹوںکاکاروبار کرتا ہے اور جنگل سے لکڑیا ں کاٹ کر فروخت کرتا ہے اسکا اس بیوی کے علاوہ اورکوئی نہیں ہے اس کے ماں باپ فوت ہوچکے ہیں دونوں کی شادی پانچ ماہ قبل ہوئی تھی کسی ناچاقی کے حوالے سے بھی معلوم نہیں ہوا۔

پولیس کے مطابق اصل حقائق تفتیش کے بعد سامنے ائیں گے ہر پہلو سے تفتیش کی جارہی ہے۔یہ معلوم کریںگے کہ یہ خود کشی ہے اس کا قتل کیاگیا ہے۔