وزیر اعظم شہباز شریف کے وزرات فوڈ سیکورٹی کا انچارج وزیر ہوتے ہوئے ملک میں6لاکھ ٹن گندم درآمد کیئے جانے کا انکشاف
ایک ارب دس کروڑ ڈالر گندم درآمد کی مد میں ملک سے باہر گئے‘مجھے سمری کے بارے میں پتہ ہے نہ ہی کوئی سمری دکھائی گئی.نگران وزیرفوڈ سیکورٹی‘ انکوائری کمیٹیاں یا تحقیقاتی کمیشن معاملے کو دبانے کے لیے بنائے جاتے ہیں اس لیے قوم توقعات وابستہ نہ کرئے کہ اس سے کچھ نکلے گا.سابق وزیراعظم شاہدخاقان عباسی
میاں محمد ندیم پیر 6 مئی 2024 00:11
(جاری ہے)
انہوں نے 3 اپریل کو وفاقی وزیر رانا تنویر کو قومی تحفظ خوراک کا اضافی قلمدان سونپا وزیر اعظم نے گندم درآمد کے معاملے پر سیکرٹری خوراک محمد آصف کو او ایس ڈی بنادیاتھا ”ڈان نیوز“کے مطابق سرکاری اعداد و شمار میں بتایا گیا ہے کہ رواں مالی سال فروری تک 225 ارب 78 کروڑ 30 لاکھ روپے کی گندم درآمد ہوئی، مارچ 2024 میں57 ارب 19 کروڑ 20 لاکھ روپے مالیت کی گندم درآمد کی گئی یوں رواں مالی سال مارچ تک 282 ارب 97 کروڑ 50 لاکھ روپے مالیت کی کل 34 لاکھ 49 ہزار 436 میٹرک ٹن گندم درآمد کی گئی، جبکہ موجودہ حکومت کے پہلے ماہ 6 لاکھ 91 ہزار 136 میٹرک ٹن گندم درآمد کی گئی سرکاری اعداد و شمار کے مطابق نگران دور میں27 لاکھ 58 ہزار 226 میٹرک ٹن گندم درآمد کی گئی تھی.
ایک سرکاری دستاویزکے مطابق مجموعی طور پر ملک سے ایک ارب دس کروڑ ڈالرگندم درآمد کرنے کی مد میں باہر گئے ملک میں گندم کے وافر ذخائر موجود ہونے کے باوجود نگران حکومت کے دور میں بڑے پیمانے پر گندم کی درآمد کے معاملے میں روز نئے انکشافات سامنے آرہے ہیں یہ بات بھی سامنے آئی ہے کہ موجودہ حکومت کی اب تک کی مدت میں بھی گندم کی درآمد کا سلسلہ جاری رہا نگران وزیراعظم انوار الحق کاکڑنے نجی ٹی وی سے انٹریو میں کہا ہے گندم کی درآمد سے ان کا کوئی تعلق نہیں گندم درآمد کی منظوری سال2023میں پی ڈی ایم حکومت کے وزیرخزانہ اسحاق ڈار نے ای سی سی کے اجلاس میں دی تھی. نگران حکومت میں وزیر فوڈ سیکورٹی کوثرعبداللہ نے کہا ہے کہ انہیں وزارت کی جانب سے کوئی سمری نہیں دکھائی گئی ایک انٹرویو میں انہوں نے کہا کہ نگراں دور میں وزیر کو دکھائے بغیر سمری منظور کرنے کا کلچر فروغ پا چکا تھا کوثر عبداللہ نے کہا کہ سیکرٹری اور اسٹیبلشمنٹ ایسا یہ کہہ کر کرتے تھے کہ نگراں وزیر تو 4 دن کے لیے ہیں ان کا کہنا تھا کہ میں گندم درآمد کرنے کی مخالفت کی تھی جبکہ نجی شعبے کو گندم منگوانے کی اجازت کابینہ کی اقتصادی رابطہ کمیٹی (ای سی سی) نے دی تھی. یاد رہے کہ گندم درآمد میں بے ضابطگیوں کی تحقیقات کے لیے سیکرٹری کابینہ کامران علی افضل کی سربراہی میں ایک کمیٹی بنائی گئی ہے اور امکان ہے کہ کمیٹی کی رپورٹ آئندہ ہفتے کابینہ کے سامنے پیش کی جائے تاہم سابق وزیراعظم شاہد خاقان عباسی کا کہنا ہے کہ انکوائری کمیٹیاں یا تحقیقاتی کمیشن معاملے کو دبانے کے لیے بنائے جاتے ہیں اس لیے قوم توقعات وابستہ نہ کرئے کہ اس سے کچھ نکلے گا. ادھر ”جیو نیوز“کا کہنا ہے کہ وزیراعظم شہباز شریف کو گندم درآمد تحقیقات کی ابتدائی تفصیلات سے آگاہ کردیا گیا سیکرٹری کابینہ ڈویژن، سیکرٹری خوراک نے ابتدائی تحقیقات سے وزیراعظم کو آگاہ کیا . رپورٹ کہا گیا ہے کہ گندم کے 70 جہاز 6 ممالک سے درآمد کیے گئے، پہلا جہاز پچھلے سال 20 ستمبر کو اور آخری جہاز رواں سال 31 مارچ کو پاکستان پہنچا، گندم 280 سے 295 ڈالر فی میٹرک ٹن درآمد کی گئی بتایا گیا وزارت خزانہ نے نجی شعبے کے ذریعے صرف 10 لاکھ میٹرک ٹن گندم درآمد کی اجازت دی تھی تاہم رپورٹ میں دس میٹرک ٹن سے اوپر گندم درآمد کرنے کی منظوری دینے والوں کی نشاندہی نہیں کی گئی ”جیو نیوز“ نے سرکاری دستاویزات کے حوالے سے بتایاہے کہ یکم نومبر کو ای سی سی نے گندم سرکاری طور پر لانے کی سمری منظور کی تاہم ٹی سی پی کے 2 بار دیے گئے ٹینڈز پر کوئی بولی نہ لگی 10 لاکھ ٹن گندم لانے کی سمری منظور ہوئی مگر ٹی سی پی نے ٹینڈر 11 لاکھ ٹن کا دے دیا 19 دسمبر کو ویٹ بورڈ کے اجلاس میں گندم کی درآمد بڑھا کر 24 لاکھ ٹن کردی گئی، ای سی سی کی منظوری بھی نہیں ہوئی تھی کہ اجلاس کو بتایا گیا کہ 12 لاکھ ٹن گندم لے کر 24 جہاز پہنچ بھی چکے ہیں جبکہ اس کی منظوری ای سی سی نے یکم فروری کو دی تھی. جیونیوز نے گندم درآمد کی پوری ذمہ داری نگران حکومت پر ڈالتے ہوئے پی ڈی ایم حکومت اور موجودہ حکومت کو کلین چٹ دینے کی کوشش کرتے ہوئے دعوی کیا ہے کہ 23 فروری گندم درآمد کی مدت بڑھانے کی منظوری دی گئی جس کا مقصد مزید 15 لاکھ ٹن گندم ملک میں لانا تھا رپورٹ میں بتایا گیا ہے کہ موجودہ حکومت کے وزیر اعظم شہباز شریف نے 4 مارچ کو حلف اٹھایا، اس کے بعد بھی پورا ماہ گندم ملک میں آتی رہی اس دوران وزارت کا چارج وزیراعظم شہبازشریف کے پاس تھا . دوسری جانب نامعلوم وجوہات کی بنا پر شہبازشریف‘ اسحاق ڈار‘نگران وزیراعظم انوار الحق کاکڑاور نگران وزیراعلی پنجاب اور موجودہ وفاقی وزیردفاع کو انکوائری سے مبرا قراردیتے ہوئے نوٹس جاری نہیں کیئے گئے جبکہ سوشل میڈیا پر نگران وزیراعظم اور نگران وزیراعلی پنجاب کو انکوائری کے لیے طلب کی جانے والی خبروں کی تردید کرتے ہوئے انکوائری کمیٹی کے سربراہ اور فاقی سیکرٹری کابینہ ڈویژن کامران علی افضل نے گزشتہ روز جاری ہونے والے بیان میں ان خبروں کو ”گمراہ کن“قراردیتے ہوئے کہا تھا کہ نہ تو نگران وزیراعظم انوار الحق کاکڑ اور نہ ہی نگران وزیر اعلی پنجاب محسن نقوی کو طلب کیا گیا ہے انہوں نے کہا کہ دونوں کو طلب کیے جانے والی خبروں میں کوئی صداقت نہیں کامران علی افضل کا کہنا تھاکہ میں اپنے دائرہ کار میں رہ کر کام کر رہا ہوں، میری انکوائری سے متعلق غلط خبریں چلائی جا رہی ہیں.متعلقہ عنوان :
اسلام آباد میں شائع ہونے والی مزید خبریں
پاکستان بحرانوں سے نکل رہا ہے ملک میں کوئی بحران نہیں ہے
جسٹس منیب اختر نے سپریم کورٹ آف پاکستان کے قائم مقام چیف جسٹس کا حلف اٹھا لیا
ڈپٹی کمشنر سی ڈی اے نے اپنی ٹیم کے ہمراہ غیر قانونی تعمیرات کے خلاف کاروائی کرتے ہوئے 24کنال رقبہ مسمار ..
بلاول بھٹو کا خوشاب ٹرک حادثہ پر اظہار افسوس
پاکستان کی آئی ٹی برآمدات میں ایک ماہ میں بڑا اضافہ ہونا وزیراعظم کی انتھک محنت کا نتیجہ ہے، شزہ فاطمہ
اسحاق ڈار کی ہدایت پر کرغزستان میں پاکستانی سفیر کی کرغز نائب وزیر خارجہ سے ملاقات
انجینئر امیر مقام کا کرغزستان میں پرتشدد جھڑپوں پر اظہار تشویش
محسن نقوی کا خوشاب ٹریفک حادثے میں قیمتی انسانی جانوں کے ضیاع پر افسوس کا اظہار
اسلام آباد پولیس کا نجی کمپنی کے اشتراک سے موٹر سائیکل سواروں کی روڈ سیفٹی کےلیے جاری تین روزہ مہم اختتام ..
کرغزستان میں پاکستانی سفیر حسن ضیغم نے کرغز نیشنل ہسپتال میں زیر علاج پاکستانی شہری شاہ زیب کی عیادت ..
جہانگیرخان ترین کی حکومتی راہداریوں میں واپسی
وفاقی وزیرداخلہ محسن نقوی کا اسلام آباد میں تجاوزات کے خلاف بھرپور کریک ڈاؤن کا حکم
اسلام آباد سے متعلقہ
پاکستان کی تازہ ترین خبریں
-
پاکستان بحرانوں سے نکل رہا ہے ملک میں کوئی بحران نہیں ہے
-
کرغستان سے پاکستانی طلبا کا انخلا شروع
-
گورنرسندھ کی دارلسکون ویلفیئر سوسائٹی کے زیر اہتمام مدر ڈے تقریب میں شرکت
-
بلوچستان میں 100ڈیموں کی تعمیر کے منصوبے میں 2ارب 4کروڑ روپے کی بے قاعدگیوں کا انکشاف
-
چیئر پرسن بینظیر انکم سپورٹ پروگرام روبینہ خالد سے بشارت بھٹی کی ملاقات،درپیش مسائل سے آگاہ کیا
-
پنجاب کی انڈسٹری کو سولر انرجی پر منتقل کریں گے،پیداواری لاگت کم ہوگی‘چوہدری شافع حسین
-
مقامی اوپن کرنسی مارکیٹ میں ہفتے کوڈالر کی قیمت فروخت279.50 روپے پرمستحکم رہی
-
جہانگیرخان ترین کی حکومتی راہداریوں میں واپسی
-
میری عمر بھی 50 سال ہے، مریم نواز کی ویڈیو وائرل،صارفین کا اظہار حیرانگی
-
پاکستان کو تباہ و برباد کرنے والوں کا احتساب ہونا چاہیے،ملک کو ایٹمی طاقت بنانے پر مارشل لاء لگا دیا گیا، نواز شریف
-
بشکیک میں پاکستانی طلبہ کو ہر قسم کی مدد و یقینی بنایا جائے‘بلاول بھٹو کا مطالبہ
-
شہبازشریف (ن)لیگ کے قائم مقام صدر نامزد