ڑ*پشاور،اسٹریٹ کرائمز میں ملوث افراد کے خلاف کریک ڈاؤن، 11 ملزمان گرفتار

qپشاور(اُردو پوائنٹ اخبارتازہ ترین - آن لائن۔ 19 جنوری2020ء) کیپٹل سٹی پولیس پشاور نے اسٹریٹ کرائمز میں ملوث تین مختلف گروہوں کا سراغ لگا لیا، کریک ڈاؤن کے دوران اسٹریٹ کرائمز میں ملوث 11 ملزمان کو گرفتار کر لیا گیا ہے جو پشاور سمیت دیگر اضلاع میں بھی راہزنی اور ڈکیتی میں ملوث ہیں، گرفتار ملزمان نے ابتدائی تفتیش کیدوران راہزنی، ڈکیتی، موٹر سائیکل اور موبائل فونز سنیچنگ کے متعدد وارداتوں میں ملوث ہونے کا اعتراف کر لیا ہے جن کے قبضہ سے مختلف وارداتوں کے دوران چھینے گئے 7 عدد موٹر سائیکل، ایک عدد رکشہ، لاکھوں روپے نقد، متعدد موبائل فونز سمیت وارداتوں میں استعمال ہونے والا اسلحہ بھی برآمد کر لیا گیا ہے، کریک ڈاؤن کا آغاز سٹی ڈویژن سے کیا گیا ہے جس کے لئے نئی حکمت عملی اپنائی گئی جس میں کامیابی ملی۔

(جاری ہے)

تفصیلات کے مطابق ایس ایس پی آپریشن ظہور بابر آفریدی نے ضلع بھر میں اسٹریٹ کرائم میں ملوث گینگز کے خلاف نئی حکمت عملی اپناتے ہوئے کریک ڈاؤن شروع کرنے کی ہدایت ہے جس کے تحت سٹی ڈویژن پولیس نے ایس پی سٹی کی سربراہی میں متعدد کامیاب کارروائیاں کی ہیں جن کے دوران مختلف وارداتوں کے دوران چھینی گئی نقدی، موٹر کار، موٹر سائیکل اور موبائل فونز بھی برآمد کئے گئے ہیں۔

کریک ڈاؤن کے لئے ڈی ایس پی سبرب احتراز خان، ڈی ایس پی فقیر آباد عالمزیب خان، ایس ایچ او تھانہ بھانہ ماڑی سردار حسین، ایس ایچ او تھانہ فقیر آباد جاوید اختر اور ایس ایچ او تھانہ آغا میر جانی شاہ نعیم حیدر پر مشتمل خصوصی ٹیم تشکیل دے دی گئی تھی جنہوں اسٹریٹ کرائمز میں ملوث تین گروہوں کا سراغ لگا کر 11 ملزمان کو گرفتار کر لیا، جس کے دوران عابد ولد داد خان، عبد اللہ ولد گل، حمینی ولد شوریز ساکنان لنڈے سڑک اور نور اللہ ولد عبد اللہ سکنہ گلبہار، رمضان اللہ ولد علیم اللہ سکنہ ہزار خوانی، محسن خان ولد ماصل خان، ذیشان ولد داد خان، عمر خان ولد عاشق حسین ساکنان ڈاکی ملا خان داودزئی، احسان ولد موسیٰ خان، امجد ولد عالم گل ساکنان ضلع مہمند حال پنڈی اور سعید ولد مجاہد سکنہ بدھو ثمر باغ کو گرفتار کیا گیا ہے جنہوں نے ابتدائی تفتیش کے دوران راہزنی، ڈکیتی، موٹر سائیکل اور موبائل فونز سنیچنگ کے متعدد وارداتوں میں ملوث ہونے کا اعتراف کر لیا ہے جن کے قبضہ سے مجموعی طور پر مسروقہ7 عدد موٹر سائیکل، ایک عدد رکشہ، لاکھوں روپے نقد، متعدد موبائل فونز سمیت وارداتوں میں استعمال ہونے والا اسلحہ بھی برآمد کر لیا گیا ہے۔

ایس پی سٹی محمد شعیب نے واضح کیا ہے کہ اسٹریٹ کرائمز میں ملوث گینگز کے خلاف نئی حکمت عملی اپنائی گئی ہے جس کے تحت کامیابی حاصل ہوئی ہے، کریک ڈاؤن کا آغاز سٹی ڈویژن سے کیا گیا ہے جس کو مزید وسعت دی جا رہی ہے